Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. I.
CIRCULARES DIOECESANAE. Nr. I. Venerabiles Fratres et Filii in Christo Dilectissimi! Quem die 16-a curr. Sedis Archi-Episcopalis possessionem capientes pronunciavimus sermonem, illum vobis omnibus nunc mittimus. Monita potius patris et hortationes ad veterum legum observantiam, quam nova imperantis legislatoris dictamina illic reperietis. Per viscera misericordiae Dei Nostri Vos rogamus, ut quaecunque diximus Vobis, servare ac facere satagatis; et „quemadmodum accepistis a nobis, quomodo oporteat vos ambulare et placere Deo, sic ambuletis, ut abundetis magis.“ *) Mittimus etiam pastorales Nostras, ad fidelem hujus Archi-Dioecesis populum directas litteras, quas prima ab his perceptis Dominica die, aut festo e s. ambone publicetis, atque, si opus fore existimaveritis, explicetis. Nihil profecto Deo gratius, nihil S. Matri Ecclesiae jucundius agemus, quam si filios suos in sanctis suis legibus immaculatos, auxiliante Dei gratia, custodiamus, et inoffenso pede in hac temporum asperitate et errorum undique grassan. tium colluvie per mandatorum divinorum semitam in salutis portum deducamus. Ad commissum Nobis apostolicae servitutis munus omni studio ac industria incubituri, leges, quae continentur in Evangelio Jesu Christi, qui se viam, veritatem ac vitam dixit2) ac probavit; quaeve porro continentur in SS. Canonibus, SS. Patribus, aposto- licis Constitutionibus, et Synodorum decretis, normarum instar habebimus. His normis tuti, ores, sanctiores, magis catholicas nec sequi, nec Vobis commonstrare possumus, ac valemus Iccirco etiam ea, quae in nuperrimis Synodis Strigoniensibus Provinciali et Dioecesana, adspirante superni auxilii favore, provide sapienterque constituta et ordinata sunt, ut firma ea, inviolataque persistant, auctoritatis Nostrae munimine stabilimus: „accipite, et cum acceperitis, ut pulchre dicit S. Augustinus, in corda scribite;-------ne forte deleat oblivio, quod tradidit diligentia, sit vobis codex vestra memoria.“ 3) Haud absimili- ter firmas ratasque haberi volumus omnes Praedecessoris, imo Praedecessorum Nostrorum constitutiones ac ordinationes, obtestantes vos in Domino, ut decreta, statutaque horum, praelaudatarumque Synodorum, quae hactenus per Dei gratiam observata fue- junt, in posterum exactius observentur; quae vero variis e causis in executionem forte non abierunt, conjunctis animis et unitis viribus procurabimus, ut quantocitius fieri poterit, executioni mancipentur. Nr. 258. X 1) Tliess. 4. 1. sq. 2) Joan. 14. 6. 3) De symb. ad catech. c. 1.
