Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. VIII.
31 Nr. VIII. Postquam in sacratissimis orbis catholici locis Laureti et Assisiis, ubi divitis in misericordia Dei miracula a saeculis corruscant, Vestri memoriam fecissem, dum steteram ad aram Omnipotentis divinissimi sacrificii offerendi causa, die ab abitu meo Vindobona quarta prospero itinere 23-ia curr. Komám pertigi, jamque post duas dies a Sanctissimo Domino nostro in audientia susceptus, interpretem egi illorum etiam pietatis, fidei ac fidelitatis sensuum, quibus Clerum ac fidelem populum Archi-Dioecesis Strigoniensis erga visibile Caput Ecclesiae, Vicarium in terris JESU Christi, communemque omnium Christianorum patrem ac doctorem efflagrare scio, petendo, ut Vobis omnibus, et fidelibus, curae Vestrae creditis, omnis boni auspicem, apostolicam benedictionem impertiretur Beatissimus Pater, qui his precibus benignissime, nec sine animi vere paterni commotione annuit. Die hodierna — nunquam visa solemnitate recolebatur memoria martyrii SS. Apostolorum Petri et Pauli, qui ante octodecim saecula hac ipsa die Romam glorioso purpuraverunt sanguine. De quorum glorioso exitu sic SS. Patres loquuntur, nempe S. Dionysius Corinth. Episcopus l): „Ambo illi (Petrus et Paulus) in urbem nostram Corinthum ingressi, sparso evangelicae doctrinae semine instituerunt, et in Italiam similiter profecti, cum vos Romanos perinde instituissent, eodem tempore martyrio functi sunt.“ S. autem Hieronymus2): „Petrus tenuit Cathedram romanam usque ad ultimum annum Neronis, id est, decimum quartum, a quo et affixus cruci, martyrio coronatus est; Paulus quoque decimo quarto Neronis anno,eodem die, quo Petrus Romae pro Christo capite truncatur.“ S, Ambrosius 3): „Nam prima haec in illis beatitudo est, quod ambo una die passi esse noscantur: scilicet ut quos una fides servitio devinxerat, una dies martyrio coronaret.“ Denique S. Augustinus 4) „Gloriosissimi christianae fidei principes Petrus et Paulus una die, uno loco , unius tyranni' toleravere sententiam. Uno die passi sunt, ut ad Christum pariter pervenirent; uno in loco, ne alteri Roma deesset; sub uno persecutore, ut aequalis crudelitas utrumque constringeret.“ Cujus historici facti semper in Ecclesia creditam veritatem contra haereticos jam in Synodo Romana a. 494. celebrata his tuebatur verbis S. Gelasius: 5)“ Petro data est societas beatissimi Pauli apostoli, vasis electionis, qui non diverso, sicut haeretici garriunt, sed in uno tempore, uno eodemque die gloriosa morte cum Petro in Urbe Roma, sub Caesare Nerone agonizans, coronatus est.“ Eadem die porro, atque in eadem Vaticana S. Petri Basilica agebantur solemnia Canonisationis sequentium Martyrum, Confessorum non Pontificum et Virginum: B. Josaphati Kuncevicii, Archi-Episcopi Polocensis, et Ruthensis 1580. nati, et 12. Novembris, 1623. a schismaticis occisi. *) *) apud Euseb. Histor. Eccl. II. 25. — 2) de viris illust. — 3) Serm. de natali Apostolor. — 4) Serm, 55. — 5) Vide Harduin. Tom. II. Nr. 385. De romano itinere Archi- Episcopi, qui cum V. Clero communicat Summi Pontificis allocutiones : a) ad Clerum inferioris ordinis b) ad majorem habitas.
