Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. V.
volumus haberi ad populum, qui exhortandus erit ad recolenda Dei beneficia, quae data per Christi Vicarium Sancto Stephano, Protoregi Apostolico corona, in omnes populos, huic sacrae Coronae subditos dimanaverunt. Monendus porro erit ad fidelitatem intemerate servandam Regi, ad obedientiam legitimis sacrae et civili potestatibus exhibendam. Dein excitetur populus ad amorem et dilectionem erga omnes concives, quos idem regni et imperii nexus ad communem omnium salutem et securitatem copulavit. Orandum denique, ut quod facundis Ecclesiae precibus svaviter exprimitur, ,,cum omnis potestas a Deo sit, per quem Reges regnant et legum conditores justa decernunt“ repleantur omnes, potestatis huius, a Deo acceptae administri, pietate erga Deum, et sacrae religionis amore, ut „iustitiam, sine qua nulla societas diu consistere potest, erga omnes inconcusse“ administrent „bonis praemia, noxiis debitas poenas retribuendo. Viduas, pupillos, pauperes ac debiles ab omni oppressione defendant; ut non ad propriam, séd totius populi utilitatem regnare, proemium- que benefactorum suorum non in terris, sed in coelo cxpectare“ videantur. (Pontificale Romanum). Orate Fratres et Dilectissimi Fili! ut „Omnipotens Deus Creator omnium, Imperator Angelorum. Rex Regum, et Dominus Dominantium, qui Abraham fidelem servum suum de hostibus triumphare fecit, Moysi et Josue multiplicem victoriam tribuit, humilem- que David puerum suum regni fastigio sublimavit, et Salamonéin sapientiae pacisque ineffabili munere ditavit, respiciat preces humilitatis nostrae, et super famulum suum Imperatorem et Regem Franciscum Josephum, eius Consortem Elisabeth Reginam nostram benedictionum suarum dona multiplicet, eosque dexterae suae potentia semper et ubique circumdet — per Christum Dominum nostrum, qui virtute s. crucis tartara destruxit, regnoque Diaboli superato, ad coelos victor ascendit, in quo potestas omnis regnique consistit victoria, qui est gloria humilium, et vita salusque populorum.“ „Sit eis Dominus turris fortitudinis a facie inimici. Nihil proficiat inimicus in eis, et filius iniquitatis non apponat nocere eis. — Sit eis Deus contra acies inimicorum lorica, in adversis galea, in prosperis sapientia, in protectione clypeus sempiternus , praestet, ut gentes illis teneant fidem, proceres habeant pacem, diligant caritatem, abstineant (omnes) a cupiditate, loquantur justitiam, custodiant veritatem; et ita populus iste sub imperio illorum pullulet, coalitus benedictione aeternitatis: ut semper tripudiantes maneant in pace ac victores. Amen.“ Si ob urgentia rationum momenta contingeret coronationem in diem 8. curr. sive Vigiliam Pentecostes defigi, sciant DD. Curati, Nos pro hoc casu V. Clero et fideli Archi-Dioecesis, imo totius Regni populo, de apostolica dispensatione, in lege jejunii et abstinentiae providisse. Erga humillimas nostras preces SSmus Dominus Noster jejunium, in Vigilia Pentecostes servandum, in praecedentem feriam sextam id est 7-am curr. transferre, die autem 8-0 sive Sabbati in lege abstinentiae ab esu carnium cum Clero et fideli populo clementissime dispensare dignatus est. Quam apostolicam jejunii transpositionem et dispensationem fideli populo si opus fuerit, notam reddere festinent DD. Curati. Datum Budae in Aedibus Residentiae Nostrae Primatialis die 1. Junii anno Domini 1867. It Joannes m. p. Archi-Episeepus.
