Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor
Nr. III.
15 Nr. III. JOANNES SIMOR etc. Venerabili Clero saeculari et regulari Archi-Dioecesis Nostrae Strigoniensis Salutem in Domino sempiternam et Benedictionem! Qui Dioecesim Jaurinensem absque Vicarii cujuspiam opera procuravimus, hanc, quae Nobis Dei miserentis inscrutabili providentia obtigit, Ecclesiam Metropolitanam Strigo- niensem ipsi soli gubernare non valemus. Duos itaque nominavimus, constituimus ac deputavimus Vicarios in spiritualibus et Causarum Auditores, nimirum Ulmum ac Rssimum D. Josephum Durguth, Consecratum Episcopum Sionensem in partibus, Sanctissimi Domini Nostri Praelatum Domesticum, Abbatem S. Gregorii de Colocza, Metropolitanae Ecclesiae Nostrae Custodem Canonicum etc. etc. in Districtu Strigoniensi — Ulmum ac Rssimum D. Henricum Szajbély, EI. Episcopum Vovadrensem, Abbatem B. M. V. de Valle Veszpri- miensi, Metropolitanae Ecclesiae Nostrae Canonicum et Archi-Diaconum Neogradensem etc. etc. in Districtu Tirnaviensi. Quod pro notitiae, directionisque statu cum eo hisce significamus, ut Vicariis Nostris, tamquam vice Nostra fungentibus, debitam reverentiam, eam- que exhibeatis obedientiam, quam Nobis, Archi-Episcopo Vestro promisistis, quando ad s. presbyteratus ordinem promoti fuistis, illi vero vestrum jurisjurandi etiam interposita fide voverunt, qui canonicam institutionem in ea, quae tenent, beneficia obtinuerunt. Ut vero limites potestatis Vicariorum Nostrorum Generalium cunctis innotescant, Decreti eatenus editi tenores hisce per extensum Vobiscum communicandum duximus eo per expressum adnotato, quod tenores Decreti, pro D. Vicario Tirnaviensi exarati, a tenoribus Decreti isthic procusi non abludant. Strigonii, die 24-a Maii, 1867. i Nr. 262. Vicariorum in spiritualibus et Causarum Auditorum Generalium Strigoniensis et Tyrnavien- sis nominatio. JOANNES SIMOR etc. Venerabili Fratri Illustrissimo ac Reverendissimo Domino Josepho Durguth, Consecrato Episcopo Sionensi, Suae Sanctitatis Summi Pontificis Praelato Domestico, Abbati S. Gregorii de Colocza, E. M. S. Custodi et Canonico etc. Salutem in Domino sempiternam! Clavo Archi-Dioecesis hujus admoti, Nos quidem illum, teste conscientia coram Deo, qui corda scrutatur et renes, examinata, ad officium portandi oneris suscepimus, firmissime apud animum nostrum statuentes, impendi, imo si opus iuerit, superimpendi etiam pro salute gregis, in quo Nos posuit Spiritus Sanctus regere Ecclesiam Dei. At vero gre-
