Circulares litterae dioecesanae a 16-a maji-31-am decembris 1867. ad clerum archi-dioecesis strigoniensis dimissae a principe primate regni Hungariae et archi-episcopo Joanne Simor

Nr. II.

12

Nr. 261.

Facultas Benedictionem Apostolicam et Indulgentiam plenariam in articulo mortis concedendi.

1

Breve Apostolicum, cujus vigore Nobis, Archi-Episcopo facultas tribuitur in mortis articulo constitutis Christi fidelibus utriusque sexus Benedictionem Apostolicam et plenariam Indulgentiam tribuendi, hisce publicamus:

PIUS PAPA IX.

Venerabilis Frater, Salutem et Aplicam Benedictionem.

Erga omnes Christi fideles in maximo instantis mortis discrimine, et in durissima tantae necessitatis hora constitutos tanto abundantius Romanus Pontifex coelestes thesauros erogare, traditamque sibi divinitus opitulandi potestatem debet exercere, quanto tunc majore premit illos anxia aegritudo, ac pene conficit acerba tristitia furentibus undequaque teterrimis et callidissimis hostibus, qui leonis instar rugientes ad- stant, ut devorent, et quorum efferata rabies nisi eorum sanguine, id est aeterna animarum ruina, expleri non potest. Hinc Nos, quibus licet immeritis, omnes oves Christus in Petro pascendas dedit, ne illis unquam in extremo vitae mortalis agone aliquid detrimenti culpa nostra contingere possit, in partem potestatis, et sollicitudinis Nostrae caeteros Pastores vocamus, ut sibi comparatis omnibus Aplicae Sedis et Nostrae auctoritatis subsidiis majori atque uberiori eorum gregis utilitati prospiciant, facilemque ad assequendam aeternitatem aditum aperiant, et horribiles hostium impetus comprimant atque repellant. Cum itaque sicut accepimus, Tu Venerabilis Frater, qui Ecclesiae Stri- goniensi praeesse dignosceris, Benedictionem Apostolicam cum Indulgentia plenaria in articulo mortis impertiendam aegrotis istius Civitatis et Dioecesis Strigoniensis concedere posse plurimum desideres: Nos animarum Christi fidelium tuae curae commissarum saluti paterna charitate consulere cupientes-, Fraternitati Tuae, donec regimini Ecclesiae Tibi demandatae praefueris, et quoties in dictis Civitate et Dioecesi tuis aliquem ntri- usque sexus Christi fidelem in mortis articulo constitutum esse contigerit, si vere poe- nitens et confessus ac s. Communione refectus, vel quatenus id facere nequiverit, saltem contritus Nomen Jesu ore, si potuerit, sin minus, corde devote invocaverit, et mortem tamquam peccati stipendium de manu Domini patienti animo susceperit, toties per Te ipsum, seu per unum, aut plures Presbyteros, probitate morum praeditos Saeculares vel Regulares a Te ad Tui libitum semel vel pluries, et quandocunque opus fuerit , delegandos, eligendos et deputandos, et quoad Moniales illarum Confessarium ordinarium, Aplicam Benedictionem Nostro et Romani Pontificis pro tempore existentis nomine cum plenaria omnium peccatorum suorum Indulgentia et remissione impertiri libere et licite valeas, facultatem Auctoritate Aplica tenore praesentium concedimus, tribuimus et impertimur. In contrarium facien. non obstantibus quibuscunque. Volumus autem, ut tam Tu, quam delegati et eligendi pro impertienda Benedictione et plenaria Indulgentia in articulo mortis hujusmodi constitutis applicanda, Formulam a fel. recor. Benedicto PP. NIV. Praedecessore Nostro in suis litteris sub plumbo Nonis Aprilis MDCCXLVII. expeditis praescriptam, quam Tibi tradi mandamus, omnino adhibeatis. Datum Romae apud S. Petrum sub annulo Piscatoris die XXIII. Februarii MDCCCLXVII. Pontificatus Nostri Anno vigesimoprimo. N. Card. Paracciani-Clarelli.