Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas
1851
-----------— i llas in tribus exemplaribus, has vero iu uno. E tribus exemplaribus status activi et passivi ecclesiarum subin unurr censuratum concernenti Parocho remittetur, ut ex illo rectilicatas rationes respectivo libro rationum inferre possit aliud altiori loco exhibebitur, tertium denique usibus Oilicii Dioecesani deserviturum ad Archivum reponetur. Denique, cum rationibus ecclesiarum et piarum fundationum etiam Inventarium s. supellectilis in uno exemplari submittendum veniet. In consignatione autem s. supellectilis per omnes et singulos observandum erit ut illa se ordine sequenti excipiat, cc. Solida supellex uti: monstratorium, calices, ciborium, vascula sacrorum liquorum, lavatorium urceoli, thuribulum, instrumentum hostiarum pistorium et excisorium, eampanulae etc. etc. ß. Supellex ornatus uti: casulae, jduvialia, dalmaticae, stolae, manipuli, bursae, quadrata etc. etc. y. Supellex linea, uti: albae, rocheta, corporalia, etc. etc. d. Supellex libraria uti: missalia, ritualia, evangelia, libellus providendi infirmos, etc. etc. e. Supellex varia, uti: baldachinum, vexilla, crux processionalis, feretrum, sacrum sepulchrum, vestes ministrantium etc. etc. 19. Quotannis, semel singulos Districtus sibi crediti parochos, qua talis ex oflicio visitabit, et relationem de statu Ecclesiae, Parochiae et Scholae Nobis cum line cujusvis anni in forma tabellari sub •/. advoluta praesentabit. Ceterum bene notandum: in septem rubricas formularis advoluti, ea tantum inferenda erunt, quae Parochum, Cooperatorem, Ludirectorem, populum peculiariter commendant, aut reparationem vel correctionem deposcunt; de reliquo silentium reputabimus pro idmodi relatione, quod non sit defectus. 20. In quantum ea, quae ductu punctorum J, 6, lr4, 18, VADiaeoni effectuanda habent, longiorem non semper paterentur moram, in casum obitus, abitus, vel infirmitatisDistrictualis VADiaeoni, ea Notarius Districtualis exe- quetur, praesidium tamen in Congregatione Districtuali senior parochus sustinebit. 21. Pro Deo et Ejus sancta Ecclesia, pro honore status clericalis, pro fidelium salute, et juventutis educatione laborare posse, est quidem honor super omnia— et testimonium conscientiae super impenso muneribus his conamine, est pro sacerdote spiritu Christi animato gaudium ineffabile, et merces magna nimis! Attamen ut VADiaconis pro tantis gubernio Dioecesano, ipsique Dioecesi praestitis auxiliis, impensis fatigiis, praeter gratam recognitionem, aliqua decursu officii obveniat renumeratio est justissimum desiderium, et quod illud expleri his novercantibus temporibus non possit, est continuus dolor cordi Nostro, nec citius exstinguendus, quam desiderio satisfieri possit. In tantillam tamen recognitionem exantlatorum fatigiorum designamus VADiaconis sequentia: a) Omnes et singuli utantur cingulis violaceis; primum in consessibus quibusque post Canonicos obtineant locum, et officiose Admodum Reverendorum titulo decorentur, h) E singulo fisco ecclesiae parochialis (etiam suae) cum proportionate filialium concursu, annue occasione rewsionis cassae percipiant 2 11. C. M. 6*) Usu plerumque communi id deposcente enunciamus : ut VADiaconus, ad cujus jura speclat defunctos in districtu suo consacerdotes sepelire, e substantia denati fratris Parochi pro ductu funebri unum simplicem aureum, alterius vero Presbyteri 2 11. C. M. tollat, pro Sacro insuper de Requiem, si ipse cantaverit, solitum itidem 2 11. C. M. stipendium obtineat, d) Gratuita praejunctura a pietate communitatum speratur porro praestanda \ ADiacono, dum is pro benedictione ecclesiae, coemeterii, crucum, statuarum, capellarum, item revisione cassae, visitanda schola, patrocinio solennisando processerit. Pro coronide universos ADioecesis Nostrae V ADiaconos paterne monemus et magnopere adhortamur in Domino, ut sicut reliquis praeeminent officio, suntque suorum confratrum immediati superiores pro Nobis, ita et vita irreprehensibili, prudentia atque zelo pastorali ceteris praelucentes, cunctos ad sui imitationem provocent, per- trahantque importune et opportune, ac in omni patientia quosvis exstimulando: ut ambulent digni Deo per omnia placentes, in omni opere bono fructificantes! — Gaudete cum gaudentibus, flete cum flentibus, — fragilibus compatiendo, incurios perstringendo, omnes et singulos in atriis Domini dirigite! — A a obis autem Pastoribus vineae Sabaoth Filii dilectissimi! de quorum egregia in omne opus bonum promptitudine , luculenta habemus documenta, vehementer postulamus: V ADiaconos Vestros, velut curas nostras foris sustinentes, honorate, onusque eorum humeris impositum obsequio vestro, sincera adhaesione, fraterna fiducia, et dilectione propter Deum et conscientiam alleviate! qui eorum fuerit, noster erit, qui non fuerit cum illis, contra Nos erit, qui illos laeserit, pupillam oculi Nostri tanget! Denique flectimus genua ad Patrem et Dominum Nostrum Jesum Christum, ut sitis omnes providi cooperatores ordinis nostri! Sedet vos Dilectissimi! Gaudium et Corona Nostra! misericordiam Domini pro Nobis assidue invocate! Commendamus vos Verbo Gratiae Dei! Datum Strigonii in festo SS. Apostolorum Simonis et J udae. Anno Domini millesimo octingentesimo quinquagesimo primo.
