Circulares 1850-1864, Joannes bapt. Scitovszky de Nagykér, Archi-episcopus Strigoniensis, Regni Hungariae Primas

1859

>

Nr. 3545.

S. R, E. TIT. S. CRUCIS IN HIERUSALEM PRESBYTER CARDINALIS

DEI ET APOSTOLICAE SEDIS GRATIA METROPOLITANAE ECCLESIAE STRIGONIENSIS ARCHI- EPISCOPUS, SANCTAE SEDIS APOSTOLICAE LEGATUS NATUS, INCLYTI REGNI HUNGÁRIÁÉ PRINCEPS PRIMAS, SUMMUS ET SECRETARIUS CANCELLARIUS, INSIGNIS ORDINIS S. STEPHANI REGIS APOSTOLICI PRAELATUS ET MAGNAE CRUCIS EQUES, S. C. ET R. APOSTOLICAE MAJESTATIS ACTUALIS INTIMUS CONSILIARIUS, AA. LL. ET PHIL. NEC NON SS. THEOL. DOCTOR, ETC. ETC.

Venerabili Clero Archi-Dioecesis Strigoniensis Fratribus et Filiis in Christo Dilectissimis Salutem!

M agnificate Dominum mecum — Charissimi! — et confitemini Illi, quoniam bonus et misericors est usque in saeculum! — En, numero septem Archidioeceseos Strigoniensis Sacerdotes *) non protexit solum in atriis Sanctuarii sui, vigilantes super gregem in manibus portavit et gratia coelesti fovit, sed ad senectam usque et senium perduxit, longitudine dierum replevit, ut completo feliciter decursu anni huius presbyterii semi saeculo, hostiam laudis et calicem benedictionis, renovata quasi iuven- tute ad altare Altissimi in spiritu humilitatis et gratitudinis offerre mererentur.

Septenario huic sacrorum Ministrorum numero, de ineffabili misericordia sua me quoque humilem eorum Praelatum, Sacerdos in aeternum Christus Dominus adiun- gere dignatus est, ut essem quasi unus de ipsis et octo beatitudinum seriem complerem, — Verum unde hoc mihi —■ unde tantam emeruit indignitas mea bonitatis divinae dignationem et gratiam?! ut usque ad ingenitae nobilitatis canitiem, prope ad annos, qui labor et dolor sunt, provehar? provehar autem cum ea animi et corporis prosperitate, quae auxiliaute Domino sufficiat, muneris pastoralis partibus ut plurimum respondere. —- Charissimi! fortitudo mea et laus mea Dominus — dextera Domini exaltavit me — dextera Domini fecit virtutem —• a Domino factum est istud et merito est mirabile in oculis nostris!

Gaudete itaque mecum in Domino Fratres Filiique dilectissimi! iterum dico gaudete, imo cantate et benedicite nomini sancto Eius, qui per quinquaginta presbyterii mei annos coelestis auxilii dexteram continuative porrigebat, languentem erigebat, fatiscentem roborabat, aegrotantem resanabat, verbo misericordiae misericordias addebat ! — Quid retribuam tibi Domine, pro omnibus, quae tribuisti mihi ? Calicem salutaris accipiam et Hostiam gratiarum sacrificabo nomini sancto Tuo !

Ut autem gaudium meum plenum sit et digna gratiarum actio ex ore multorum, imprimis eorum, quos in Fratres Filiosque dedit mihi Pastor aeternus, velut fumus aromatum ascendat de Hungarica Sion in conspectum Altissimi, cum cordiali laetitia annuncio Vobis: quod Sacerdotii mei Jubilaeum anno hoc 1859. Dominica XXL post Pentec, in diem 6-tam mensis Novembris incidente, Deo dante, ad aram Primatialis Basilicae, ante triennium per manus humilitatis meae delibutae, ea cum festiva pietate, quam magnitudo doni coelestis et praecellentia officii insufficientiae meae incumbentis deposcit, ac votum Vestrum praestolatur, celebraturus sim. — Cui,

*) Illmus ac Rssmus EmeriCUS Tóth, Consecr. Eppus, E. M. S. Cantor Canonicus.

Rssmus Josephus Linter, E. M. S. Can. Honor., V. A, D. Distr. Szereden., Paroch, Nágy-Súrensis. A. R. Josephus Csejtey, V. A. D. Distr. Szálkáén, et Paroch. Kemenczensis,

A. R. FranciSCUS Szabó, V. A. D. Distr. Lekér, et Paroch. Nagy-Sallóensis.

A. R. IgnatiUS Soóky, Emer. Paroch. Nagy-Kérionsis, Inst. S. Adalb. Membrum,

R. Joannes Holcsek, Parochus Podolaensis.

R. Andreas Osemez, Emer. Parochus Alsó-Baarensis.

... -TTTIMMÍill II I ■■ S 'i;*SgS