Ordines Circulares ad Honorabilem Clerum almae Dioecesis Csanádiensis de anno 1935.
V.
25 Nr. 808. SS. Pontifex pro stipe Petriana gratias agit. Nr. 1742. De necessaria discretione in causis S. Paeniten- tiariae proponendis. V. Litteras Eminentissimi Cardinalis Secretarii Status, quibus Augustissimus Pontifex noster, Pius Papa XI. pro oblata cleri populique fidelis Dioecesis nostrae stipe Petriana grates reddi iussit, hic in extenso publico. „Segretaria Di Stato Di Sua Santita No. 143.218. Dal Vaticano, die 1. Aprile 1935. Exc.me ac Rev.me Domine, Ad levandas Apostolicae Sedis necessitates, in dies ingravescentes, dioecesis tua, te quidem instante, Petrianam stipem (Pengő 3000) per Nuntium Apostolicum Sanctitati Suae nuper misit. Iucundum communi Patri id evenit, utpote Qui in ea re novam et egregiam caritatis significationem agnoverit. Itaque debitas grates iis omnibus agens qui stipem contulerunt vel collegerunt, in primisque Excellentiae Tuae, Augustus Pontifex lectissima quaeque a Deo vobis precatur. Quorum caelestium munerum auspicem et benevolentiae Suae testem, tibi cunctoque clero ac populo Apostolicam Benedictionem peramanter in Domino largitur. Haec dum tibi refero, sensus existimationis maximae erga te meae profiteor, quibus sum et permanere gaudeo Excellentiae Tuae addictissimus E. Card. Pacelli.“ Excell.mo ac Rev.mo Domino Dno Julius Glattfelder Episcopo Csanadiensi. Szegedlinum. * Quamvis ipsa naturalis prudentia doceat casus occultos ad forum conscientiae pertinentes litteris clausis et reticitis partium nominibus Sacrae Paenitentiariae vel Emmo Cardinali Paenitentiario Maiori directe esse proponendos; non desunt tamen conscientiarum moderatores qui per litteras apertas, procuratorum (vulgo „agenti“) manu tradendas, eos exponere non vereantur. Ad tam grave inconveniens omnino e medio tollendum Sacra Paenitentiaria omnes et singulos ad quos spectat, expressis verbis, monitos vult ne quid simile in posterum audeant; sed ut huiusmodi litteras ceterasque omnes quae pro opportunis declarationibus vel supplemen- taribus informationibus exhibendis postea sint addendae, directe ad Sacram ipsam Paenitentiarium vel ad Emmum Cardinalem Paenitentiariam Maiorem per publica epistularum diribitoria (vulgo „posta“) aut, si procuratorum ope uti eis placeat, sub peculiari involucro bene clauso mittere velint. (AAS. XXVII. 62.) * Emmi Patres Pontificiae Commissionis ad Codicis canones authentice interpretandos, propositis in plenario coetu quae sequuntur dubiis, responderi mandarunt ut infra ad singula: I. De collationibus moralibus. D. An inter curam animarum habentes, de quibus in c. 131. §. 3, recensendi sint religiosi sacerdotes, qui munere funguntur catechistae, vel vicarii cooperatoris, vel capellani a parocho dependentis in nosocomiis aliisque piis domibus. R. Negative quoad religiosos catechi- stas; affirmative quoad religiosos vicarios cooperatores vel capellanos, si, ad normam c. 476 § 6 Cod. J. C., vicem parochi suppleant eumque adiuvent in universo paroeciali ministerio. II. De confessione Religiosarum. D. Utrum verba: loco legitimo destinato, de quibus in interpretatione diei 24. Nov. 1920. ad can. 512, intelligenda sint tantum de loco habitualiter designato, an etiam de loco per modum actus designato vel ad normán can. 910 § 1 electo. R. Negative ad primam partem, affirmative ad secundam. III. De anno novitiatus. D. .. An indultum apostolicum requiratur ut annus canonicus novitiatus, de quo in c. 555 § 1 n. 2, transferri possit in secundum novitiatus annum iuxta § 2 eiusdem can. II. An loci Ordinarius dispensare possit super secundo novitiatus anno, si hic in constitutionibus ad professionis validitatem non requiratur ad normam c. 555. § 2. R. Ád. I. Affirmative. Ad II. Affirmative, dummodo agatur de Religionibus iuris dioecesani. Datum Romae, e Civitate Vaticana, die 12. Februarii 1935.— A. Card. Sincero, Episcopus PraenestiNr. 1743. Responsa ad proposita dubia.