Köblös József: A pápai reformátusok küzdelmei a szabad vallásgyakorlatért a XVIII. század elején - A Pápai Református Gyűjtemények Kiadványai, Forrásközlések 8. (Pápa, 2005)
A közölt forrásokról
92 informantes de iisdem motivis nostris pro petita nostra benigna manutentione porrectis coram inclyto comitatu Veszprimiensi audiantur, juraque sua eatenus producere teneantur, gratiose censuisset, ac interea exercitium religionis nostrae in privata tamen domo gratiose indulsisset, eidemque inclyto comitatui hanc gratiosam suam mentem et opinionem medio gratiosi rescripti sui intimasset, intuitu cuius idem quoque inclytus comitatus generalem suam congregationem in diem 26. et subsequentes jam elapsi mensis Junii, anni modo currentis 1719. probabiliter pro effectuatione in eodem gratioso excelsae cancellariae rescripto contentorum negotiorum praefixisset. Quo adveniente et nostrum quoque nonnullis ibidem comparentibus non tam de punctis et motivis nostris per excelsam cancellariam regiam pro refutatione transmissis, sed potiori ex parte de poena instantanee nobis irroganda ob exercitium ex gratioso, ut praemissum est, indultu in eodem benigno rescripto contento in privata saltem domo continuatum disceptatum extitit, licet idem gratiosum rescriptum jam antecedenter in alia inclyti comitatus congregatione exhibitum et nemine /: excepto officiali antelatorum dominorum comitum:/ contradicente acceptatum fuisset. Ac tandem de nobis sine nobis, ut innotuit, informatio huic excelsae cancellariae regiae submissa est, cuius copiam nec hucusque habere valuimus, verum ex gratiosa eiusdem excelsae cancellariae regiae concessione, quantum ex sola coram deputatis nostris facta pellectione observari potuit, in his potissimum rationibus consistit. Prima ratio,660 quod articulus 25. anni 1681. et eundem confirmans articulus 30. novissimae diaetae Posoniensis jus dominorum terrestrium intuitu exercitii religionis pro solis duntaxat Catholicis salvum relinquant. Quod si autem contextus eorundem articulorum inspiciatur, comperietur, quod in utroque articulus 1— anni 1608. sit confirmatus, qui liberum religionis exercitium non saltem in privatorum dominorum terrestrium, sed ipsius quoque fisci bonis admittit, et hoc ipse usus quoque in compluribus locis coronae fiscalibus, potissimum regiis civitatibus corroborat, imo et recens diaetale exemplum ratificat. In civitatem enim Debrecziniensem jure dominii terrestris per fiscum exercitium religionis Catholicae introductum est, et jam ibi virtute articuli huius jure fiscalis dominii Catholicam religionem exerceri, aliam vero, videlicet Reformatam vigore itidem huius et in isto confirmati articuli 1— anni 1608. continuari, id quod in aliis quoque civitatibus practicaretur. Tanto igitur fortius in bonis dominorum saecularium, qui jure dominii exercitium suae religionis, quam profitentur, introducere, sed alterius religionis exercitium impedire neutiquam possunt, alias maior ipsis in conscientias dominandi attribueretur licentia, quam ipsi regio fisco similia non turbanti. Salvum itaque manet dominorum comitum jus etiam patronatus, nam et parochiam et parochum et 660 A hiányzik.
