Hudi József (szerk.): Dunántúli egyházleírások a XVIII. századból - A Pápai Református Gyűjtemények Kiadványai, Forrásközlések 5. (Pápa, 2002)
Barsi egyházmegye
82 Barsi egyházmegye Pro littera F: Copia instantiae primae ad Suam Eminentiam Serenissime ac eminentissime princeps, domine, domine nobis gratiosissime! Sciendo Eminentiam Vestram omnium fidelium subditorum suorum fautorem et dominum misericordem esse id nos induxit, ut praesentem libellum supplicem Eminentiae Vestrae humillime porrigere non vereamur cum dolore et lacrymis exponentes miserias et afflictiones nostras, quas patimur propter reverendum dominum Sigismundum Kisdi plebanum Deméndiensem, qui extra omne jus et fas nos persequitur, ac intolerabiles iniurias nobis infert, dum per vim et minas imo et verbera ad cultum nos dietim cogat, nosque ex pago nostro in vicinum locum euntes sacri nostri audiendi caussa in media via agreditur (insidias struendo in sylvis), et quosdam verberibus crudelissime tractat, quosdam vestimentis spoliat, et (quod propudiosum!) mulierculis ipsis cingula, linteola et ipsa praecinctoria detrahat, mulctas deinde pecuniarias imponat. Me, imprimis supra alios praesentium exhibitorem affligendo, audiendo euntem me Viennam ad Eminentiam Vestram iter meum instituisse in absentia mea vaccam meam abegit, ac propter ludibrium mensam nostram (cui imponere solemus sacramentum Eucharisticon) abstulit dicendo, ut dum satis patris super illam absumpserimus, necesse est, ut eadem ille etiam utatur. Domum nostram parochialem similiter devastavit, januas eiusdem destruendo, ac e liminibus cardines et clavos etiam extrahendo. Has et similes eius insolentias (personae spirituali inconvenientes) enarrare longum foret, quas dietim nobis infert citra omnem Dei, Eminentiae Vestrae et honestatis respectum. Quapropter per misericordiam Dei precamur Eminentiam Vestram, ut tantam nostram afflictionem et passionem benignissime considerare, nostrique misereri, ut in pace conscientiae nostrae vivere possimus, benignissimos ordines dando ad praedictum dominum plebanum, ut a similibus iniuriis inferendis desistat, damna illata restituat, nosque, fideles Eminentiae Vestrae subditos nullo modo audeat persequi. Quam gratiam Eminentiae Vestrae paratissimis, iisque humillimis servitiis nostris demereri nunquam intermittemus, proque Eminentiae Vestrae vita et incolumitate apud Deum intercedentes, benignissimamque resolutionem exspectantes manemus Serenissimi ac Eminentissimi Principis humillimi ac perpetuo fideles subditi et vasalli: incolae pagi Fiizes-Gyarmath Helveticae confessioni addicti
