Mohács előtti oklevelek a Pest Megyei Levéltárban. Átiratok és regeszták - Pest Megye Múltjából 12. (Budapest, 2007)

Oklevélszövegek és regeszták - 50. Báthori István nádor - 1522. augusztus 4.

cum honore. Noveritis, quod Benedictus Fychor de Kyssyng pro nobilibus Johanni Zaboztlo de Jenew ac dominabus Katherina consorte eiusdem et Margaretha relicta condam Nicolai Horwath de Jenew cum procuratoriis litteris nostris iuxta continentiam litterarum nostrarum prorogatoriarum ac vestrarum evocatoriarum et insinuatoriarum feria sexta in festo videlicet ad vincula beati Petri apostoli proxime preterito in figura nostri iudicii comparendo presente ibidem et ad[herente] Johanne de Thorda, qui pro nobili Michaele de Wesen cum procuratoriis litteris similiter nostris coram nobis astabat, easdem litteras vestras evocatorias et insinuatorias a[d litterator]iam petitionem nostram nobis rescriptas nostro [iudicio examine] curavit exhibere huiusmodi sub tenoré: Spectabili et magnifico domino Stephano de Bathor regni Hungarie palatino et iudici Comanorum ac comiti Themesiensi serenissimique principis et domini domini Ludovici Dei gratia regis Hungarie et Bohemie etc. domini nostri gratiosissimi impresentiarum inabsentia sue maiestatis locumtenenti domino et amico eorum honorando capitulum ecclesie Budensis debitum honoris incrementum. Vestra noverit magnificentia nos litteras eiusdem vestre magnificentie inhibitorias, evocatorias et insinuatorias nobis loquentes et directas honore et reverentia, quibus decuit recepisse in hec verba: Amicis suis reverendis capitulo ecclesie Budensi Stephanus de Bathor regni Hungarie palatinus et iudex Comanorum ac comes Themesiensis serenissimique principis et domini domini Ludovici Dei gratia regis Hungarie et Bohemie etc. domini nostri gratiosissimi in presentiarum inabsentia sue maiestatis locumtenens amicitiam paratam cum honore. Dicitur nobis in personis nobilium Joannis Zaboztho de Jenew ac dominarum Katherine consortis eiusdem et Margarethe relicte condam Nicolai Horwath de eadem Jenew, qualiter feria sexta proxima post festum Ascensionis domini proxime preteritum in quadam causa inter ipsos exponentes ab una ac nobilem Michaelem de Wesen ab alia partibus iuxta articulorum novissime superinde editorum, necnon litterarum nostrarum preceptoriarum ac vestrarum exhibitoriarum et amonitoriarum continentiam ratione et pretextu certorum negotiorum in eisdem litteris vestris exhibitoriis et amonitoriis limpidius declaratis coram nobis mota et vertente ex eo, quod procurator ipsorum exponentium ex quadam sua negligentia et inadvertentia certas rationes allegationesque et responsiones, quas in robur et relevamen iurium ipsorum exponentium facere debuisset ad plenam declarationem causa in eadem agere allegareque et dicere obmisisset et neglexisset, in causa ipsa per nos ad attestationem communem inquisitionem vicinorum et commetaneorum prescripte possessionis Jenew nobiliumque comprovincialium comitatus Zolnok exterioris quarto decimo die festi Pentecostes proxime preterito in facie eiusdem possessionis Jenew celebrandum admissa et adiudicata extitisset, idemque Michael Weseny litteras nostras exinde adiudicatorias pro sui parte vobis sonantes reportasset, unde iidem exponentes ex huiusmodoi negligentia et inadvertentia dicti procuratoris eorundem causa ipsorum in premissa formidarent se iuribus ipsorum frustrari. Cum tarnen si idem procurator ipsorum prescriptas rationes allegationesque et responsiones, quas ut premittitur tempore revisionis premisse cause coram nobis facere debuisset, dicere et obicere proponere non obmisisset, sperassent se iidem exponentes causa in premissa aliud iudicium atque iudiciariam deliberationem a nobis habere potuisse, posseque sperarent etiam de presenti, supplicatum itaque extitit nobis pro parte et in personis dictorum exponentium, ut eisdem circa premissa de iuris remedio providere dignaremur opportuno et quia nos neminem regnicolarum prefati domini nostri regis sic ex improviso in ipsorum iustis iuribus comprimendum pati volumus, accepta [i]gitur et admfissa] supplicatione eorundem exponentium id eisdem in persona et auctoritate prefati domini nostri regis, qua in presentiarum absentia ex gratiosa annuentia sue maiestatis fungimur, duximus annuendum et concedendum, ut ipsi non obstante priori adiudicatione litterisque nostris adiudicatoriis superinde emanatis et cunctis eiusdem cause processibus exinde utcunque secutis causa ipsorum in premissa novum iudicium recipére et habere, universas etiam rationes allegationesque et responsiones ac alia omnia, que iuris sunt et iustitie dicere, facere agereque et declarare valeant et possint, immo annuimus et concedimus presentiam per vigorem. Pro eo vestram amicitiam harum serie requirimus et hortamur diligenter et nichilominus in persona et auctoritate prefati domini nostri regis, qua in presentiarum fungimur committimus et mandamus, quatenus ad huiusmodi communis inquisitionis executionem faciendum atque peragendum vestrum testimonium neutri partium dare et neque mittere debeatis, quin potius vestrum mitattis hominem pro testimonio fidedignum, quo presente Matheus vel Ladislaus de Neva aut Blasius sin Nicolaus Weres de Fyzesmegyer sive Stephanus Isthwanffy [de Hala]zthelek aliis absentibus homo noster prefatum Michaelem Weseny causa in premissa novum iudicium recepturum prescriptas etiam litteras nostras adiudicatorias [super pretacta communi inquisitione emanatas] similiter cunctis eiusdem processibus producturis et exhibituris contra annotatas exponentes ad [octavum diem diei evocationis huiusmodi ex huic eidem facte compu-