Mohács előtti oklevelek a Pest Megyei Levéltárban. Átiratok és regeszták - Pest Megye Múltjából 12. (Budapest, 2007)

Oklevélszövegek és regeszták - 47. Kalocsai káptalan - 1516. június 18.

Az oklevél szövege: Nos capitulum ecclesie Colocensis memorie commendamus tenoré presentium significantes quibus expedit universis, quod nos litteras serenissimi principis domini Ludovici Dei gratia Regis Hungarie et Bohemie etc. Domini nostri gratiosissimi preceptorias nobis preceptorie loquentes et directas reverentia recepimus in hec verba: Ludovicus Dei gratia Rex Hungarie et Bohemie etc. fidelibus nostris capitulo ecclesie Colocensi salutem et gratiam. Pro parte et in persona nobilis Nicolai filii condam Johannis Forys de Ellyewelgh ex nobili domina Margaretha filia condam domine Susanne filie condam domine Potenciane filie egregii olim Michaelis de Thethethlen progeniti nostre expositum extitit maiestati quod licet in anno Domini millesimo quadringentesimo quadragesimo nono supervivente videlicet prefato olim Michaele de Thethethlen inter eundem olim Michaelem ac nobiles dominas Susannam consortem, necnon Elenam et predictam condam Potencianam filias eiusdem olim Michaelis Thethethleny ab una, item egregios condam Ladislaum et Paulum filios ipsius olim Michaelis de Thethethlen partibus ex altera in portionibus eorum possessionariis in possessionibus Weche, Chergh, Chanad, Sadan, MaryaMagdolna, Thethyl, Kethhalom, Zenthkyral et Solth vocatis omnino in comitatu Albensi existentibus habitis per ordinativam compositionem honorabilium dominorum condam Pauli prepositi, Sebastiani lectoris ac Emerici cantoris, sociorum videlicet et concanonicorum vestrorum aliorumque quamplurimorum proborum et nobilium virorum quedam divisio et sequestratio facta extiterit litterasque vestras superinde fassionales prelibatus Michael Thethethleny super huiusmodi divisionis et sequestrationis bonorum sub vestro sigillo pro sui ac dictarum dominarum consortis et filiarum suarum iurium sustentationem a vobis exceperit. Tarnen in anno cuius iam vigesima sexta vel citra instaret revolutio, statim videlicet post mortem et decessum serenissimi principis et domini domini Mathie Dei gratia regis Hungarie et Bohemie etc. predecessoris nostri, tempore videlicet invasionis huius regni nostri Hungarie consequenterque domus et curie eiusdem exponentium nobilitares in possessione Lelye vocata in comitatu Simigiensi existente habite per alemanos facte eedem littere vestre ab eodem exponente fuissent et essent deperdite et alienate, quarum paria sine sigillo utcunque inventa per prescriptos progenitores annotati exponentis de verbo ad verbum antiqua scriptura in papiro esset conscripta et coram nobis presentata. Supplicatum itaque extitit maiestati nostre in persona prelibati exponentis ut paria ipsa sub vestro sigillo redigi facere dignaremur. Quia autem ipsa paria prescriptarum litterarum vestrarum fassionalium modo premisso ab eodem exponente deperditarum antiqua scriptura illius temporis, quo videlicet eedem littere fuerant emanate manifeste scripta apparent, ideo littere ipse iuste et merito sub sigillo vestro nobis per vos reformari debere videbantur. Fidelitati igitur vestre harum serie firmiter precipiendo mandamus, quatenus acceptis presentibus paria prescriptarum litterarum vestrarum fassionalium anno in prescripto emanatarum cum presentibus exhibendo in transscripto litterarum vestrarum sub sigillo vestro emanare et prefato exponenti iuris sui ad cautelam modis omnibus dare et concedere debeatis et teneatis secus non facturi. Presentibus perlectis si necesse merit exhibenti restitutis. Datum Bude, feria tertia proxima post festum sancte et individue Trinitatis. Anno Domini Millesimo quingentesimo decimo sexto. Parium autem litterarum ipsarum sine sigillo ut premissum est utcunque inventarum pariter cum preinsertis litteris preceptoriis nobis presentatarum continentia verbális sequitur in hec verba: Nos capitulum ecclesie Colocensis memorie commendamus per presentes quibus expedit universis, quod egregius Michael de Thethethlen onera et quevis gravamina Alberti filii et nobilium dominarum Susanne consortis ac Elene Michaelis de Bathya et Potenciane Johannis filii Gwke de Lylie consortum filiarum scilicet suarum, si üdém in infrascriptis persistere nollent penitus super se assumendo ab una, parte vero ab alia egregius Ladislaus et Paulus filii eiusdem Michaelis nostram personaliter venientes in presentiam confessi sunt oraculo vive vocis in hunc modum, quod ipsi per ordinativam compositionem honorabilium dominorum Pauli prepositi, Sebastiani lectoris ac Emerici cantoris sociorum et concanonicorum nostrorum, necnon aliorum quamplurimorum proborum et nobilium virorum pacem partium zelantium eo, ut idem Michael prefatos Ladislaum et Paulum filios suos paternali favore pertractare et amplecti, ipsique Ladislaus et Paulus eidem patri ipsorum filiali amoris plena constantia servire ac a modo in antea pacis pulchritudine possent gaudere atque valerent, portiones ipsorum possessionarias in possessionibus Weche, Chergh, Chanad, Sadan, MariaMagdalena, Thethyl, Kethhalom, Zenthkyral et Solth vocatis omnino in comitatu Albensi existente habitas in septem partes inter se divisissent, quarum quinque eidem Michaeli patri et dicte domine Susanne matri eorundem Ladislai et Pauli, necnon Alberto filio et dictis nobilibus dominabus filiabus eiusdem Michaelis, puta in dictis possessionibus Weche et Chergh tredecim sessiones populose, quarum undecim a parte