Pest-Pilis-Solt vármegye országgyűlési követutasításai a 18. században - Pest Megyei Levéltári Füzetek 38. (Budapest, 2015)
II. Szöveggyűjtemény
12. Ex quo curiae regiae judicium et authoritas lege publica stabilita haberentur, ex eo ne causae et processus juris eo deducti, ita etiam coram alio competenti judicio decurrentes diversis mandatis impediantur, neve in nonnullis causis peti solitis informationibus in administratione et cursu justitiae contra articulum 30. 1681. ac complures illic citatos et renovatos articulos diversi obices ponantur, aequum esse censeri. Haud aliter regni commissarii seu in re sanitatis, seu quocunque alio intervenienti, ne contra supremorum comitum ac eorundem directionis concreditorum comitatuum fidei activitatis et integritatis derogamen contra intellectum articulorum 42. 1649, 46. 1659, 120. 1659 delegentur (unde nobilibus quoque quinque ecclesiensibus medio ejusdem commissionis contributioni subjectis grave admodum onus et praejudicium evenit) antevertendum. Non secus 13. Dicasteria etiam et fora judiciaria ad reformationem legum, ne ex iis fundamentales quoque et cardinales quoquo modo laedantur, cum ne in diaetis quidem eae alterari possent, se non immittant, verum antiquae origini et progressui conformes leges et consvetudines maneant in statu, quo sunt. 14. Dignitates et officia ecclesiastica nationalibus Hungaris idoneis benemeritis praesbiteris et non minorennibus vel laicis, non ecclesias, sed proventus duntaxat earum curantibus conferantur. Id ipsumque etiam per dominos praelatos in collationibus cannonicatuum observetur. Quia dum capitulis publica etiam fidedignitas competit, capitularibus vero tam privilegialis, quam juridica executio incumbit, quomodo has, extraneae nationis capitulares exacte peragere poterunt, qui non modo legum et consuetudinum Regni, verum ipsiusmet etiam idiomatis sunt ignari, ita dictantibus articulis311 18. 1550, 38. 1659, 27. 1681, 60. 1723. accederet, ut tales in beneficiis suis resideant, quod fieri optime potest, si plures dignitates in unum non conferantur, sed singulus singulo officio contentabitur. Inde autem id etiam beneficii surgeret, quod pecunia, cujus magna in Regno penuria est, non ita efferretur, ac in iis dignitatibus constituti, tam obligationi suae, quam intentioni fundatorum exactius satisfacere valerent. 15. Decimarum exarendationes cum omni fere episcopatus mutatione pro arbitrio succedentium episcoporum, quin etiam frequentius elevari, major est experientia, quam ut singillativa remonstratione manifestari debeat, id tamen contra positivas regni leges quomodo recte fieri possit, non videri ac proinde ad antiquarum legum manutentionem articuli 61. 1548, 18. 1609, 95. 1641 et in his plures seriatim citati confirmandi et exasse(?) observandi erunt. 16. Dignitates etiam et officia quaevis saecularia ad exigentiam articulorum 8. 1493, 5. 1439 benemeritis pariter Hungaris conferantur, neve etiam officia supremorum comitum contra tenorem articuli 33. 1638. minorennibus, verum idoneis personis et in gremio comitatus possessionatis, ut iidem illic etiam residere possint, conferantur. Non secus officia in comitatibus magistratualia ad sensum articuli 56. 1723 viris aeque possessionatis distribuentur et ut praemissae legi tanto efficacius satisfieri queat, cameralium bonorum collatio, ad mentem articulorum 31. 1599., 75. 1659., 103. 1723. urgebitur. Huc intellectis officiis quouqe cameralibus, salinariis, 311 Nem egyértelmű helyre jelölhető széljegyzet: 42. 1536. 75
