Pest-Pilis-Solt vármegye országgyűlési követutasításai a 18. században - Pest Megyei Levéltári Füzetek 38. (Budapest, 2015)
II. Szöveggyűjtemény
aut praetensiones contra ipsos legaliter quaerere potuisse, scandalosum et injuriosum hucusque extiterit. 25. Indigenatus taxa ad 3000 aureorum augeatur et neque diplomata ante receptionem diaetalem expediantur, quinimo indagetur de iis, qui hactenus articulo non satisfecerunt et nisi moniti satisfecerint, ne beneficio indigenatus gaudeant, ex articulo expungantur. 26. Articulo 7. 1715 sancitum est, ut crimen laesae majestatis per hungaros cognoscatur, ad Perojanam tamen prout et Budensem Commissionem Sanitatis etiam Austriaci habeantur delegati. 27. Provincia P. Societatis Jesu dividatur, collegiaque in Hungária et Partibus eidem annexis existentia sub titulo duntaxat hungaricae provinciae districtim provinciales habeant. 28. Fundationes antiquae regum, archi-episcoporum et aliorum fine erudiendae nobilis juventutis ordinatae ad mentem fundatorum administrentur et provideantur, ac in quantum cessassent, restaurentur, inque pristinum vigorem redeant. 29. Videre est eo etiam comitatus nonnullos, quin quasi totum regnum labefactari, quod dislocationes militiae in regno manere debentis hactenus semper per commissariatum elaborabatur, taliterque plurimi comitatus ultra proportionem et competentiam militia inquartirisata gravabantur, alii vero longe validiores minori eatenus oneri subjiciebantur, hinc igitur, ut hoc quoque in passu a modo inposterum magis recta observari valeat proportio, unitis viribus instandum est provinciam hanc Excelso Consilio Locumtenetiali deferri. Ac nihilominus 30. Nec id praetermittendum est, ut praelibatum Consilium Locumtenetiale convenientius, quam consuevit tractet comitatus suaque intimata distinctioribus a mandatis regiis expediri faciat terminis, cum equidem pure regiae authorittais sint mandare et praecipere, hujus vero officii est jussa regia saltem intimare ita, ut in svaera activitatis suae maneat, neque semet ad auctionem quanti portionalis extra diaetam immittat. 31. Ex quo Curiae Regiae judicium et authoritas lege publica stabilita haberentur, ex eo ne causae et processus juris eo deducti mandatis regiis /:uti hactenus observatum est:/ impediantur, neve in nonnullis causis peti solitis informationibus in administratione et cursu justitiae diversi obices ponantur, aequm esse pariter censeri. 32. Quamvis vigore legum patriarum omnis generis rerum venalium limitatio comitatui competeret, etiam per liberas ac regias civitates observanda, tantum tamen abest, ut signanter comitatus istius ejusmodi limitationis factum Budensis et Pesthiensis civitates in gremio sui prorsus observare recusarent, unde etiam patet, quod quaevis opificia excessivo admodum pretio administrentur, ubi tamen nullam in regno rerum ad opificia quaevis pertinentium caristiam allegare possunt, quare quemadmodum in prioribus diaetis, ita nunc quoque instandum est, ut in toto regno omnis generis caehae et perconsequens abusus earundem ex integro tollantur et annihilentur. Quibus sublatis numerus opificum crescet, atque sic pretium omnium rerum venalium et non secus decrescet. Et hoc tum eo, quod omnibus libero existente opificio manufactura aeque copiosior evadet et concomitanter pretium ejusdem decrescet, nam quotusquisque ut rem suam distrahere possit, pretium quoque 53
