Soós István (szerk.): Tanulmányok Pest megye monográfiájához 2. - Előmunkálatok Pest megye monográfiájához 5. (Budapest, 2008)
Soós István: Pest-Pilis-Solt vármegye és a Neoacquistica Commissio (1696-1703) - I. Iratok a nemesi birtokjog igazolásáról
SOÓS ISTVÁN D.D. Cum fassionalibus Samuelis Haller super impignorata cum evictione certa deserta sessione in Jobbagy Stephano Vamossy facta ad calcem D.D. 1635. Opinio. Quibus modalitate praemissa revisis calculatis, et accurate discussis, ac ruminatis, quandoquidem antelati Nicolai condam Bossany ex generosa ac magnifica condam domina Juditha Mochary primum quidem Francisci Hamvay, ex post vero eiusdem Nicolai Bossany conthorali descendentes haredes et successores eorum Ladislaus utpote, et Christina Bossany supplicantes occasione praedeclaratarum portionum possessionariarum in possessionibus Gödölö, Bessenyö, Babath, Egerszeg et Ecsér in Pesti ensi, et Nagy-Hatvan Hevesiensi comitatibus habitarum nunc a potiori praedialium, tam iuribus suis propriis, per productionem praescriptarum litera- rum donationalium sub A. et super statutione relatoriarum sub B, ac provocationem ad testamentariam dispositionem Francisci condam Hamvay qua filii Elizabethan olim Vamosy alterius donatariae. Assumptamque quoad certas portiones erga defunctum olim comitem Adamum Forgács haeredesque suos evictionem sub D.D. (alieno siquidem iure, nemo quemquam evincere quiret) quam vero For- gacsiano contractuali evictione roborato sub iisdem D.D. simultanee, et non huic vel illi tantum inhaerere comperirentur, idcirco respectu etiam utriusque ordinis iurium iuxta diversitatis eorundem, ac difficultatum exinde emergentium exigentiam respondere, et nihilominus portiones quoque easdem quoad qualitatem ac numerum sessionum limpidius specificare, simpliciterque allegatum testamentum Hanvanianum[!] producere eosdem obligari, simplici siquidem assertioni in iudi- ciis locus dari non soleret, neque posset. Ius itaque proprium quod attineret, ex quo novarum donationum tum clausula in quorum videlicet quieto, ac pacifico dominio, realique usu, tam progenitores eorundem, quam et ipsos perstitisse, ac in praesentiarum quoque persistere lite- rasque et literalia instrumenta superinde habuisse, sed iniuria temporum et diversis tumultibus intervenientibus a se deperdita esse dicuntur, emanatae semper priorem praesupponerent, de eiusmodi novis donationibus substratorum bonorum praedecessoribus donatariorum factam collationem legitimam statutione roboratam uti id ex titulo 37. partis Imae operis decreti Tripartiti naturaque, et definitione novae donationis evinci videretur, tum igitur ex eiusmodi expressae relationis ad priora iura, et literalia instrumenta ratione, tum vero clausulae iustificatoriae, praescriptis novae donationis sub A. literis, taliter, praemissis sic ut praefertur stantibus seque habentibus? insertae exigentia, tum vero articuli 38. anni 1545. aliarumque passim legum dictamine, iuris praedecessorum Stephani et Eliza- bethae Vamosy donatariorum, in bonis novae donationis literis sub A. specifice insertis habiti edoctionem iisdem supplicantibus incumbere censeri, alias non verificata legitimi iuris, in eoque fundati pacifici dominii veritate, ob sinistram expositionem nova donatione subsistere nequeunte, totales praescriptas portiones omnino ex integro fiscales esse dignosci, ac evadere. Quin si etiam tenor, et continentia primaevae donationis sufficienter de legum regni dictamine per eosdem supplicantes edoceretur, tamen quia mutuae successionis ius iisdem literis dona- tionalibus, insertum minus reperiretur, in bonis autem per fratres acquisitis, sorores succedere nequirent, uti id ex titulo 17. ex ratione in titulo 18. apposita 108
