1832-1836 Irományok 1. • Acta miscellanea diaetalia annorum 1832-1835 / [s.l.] / [s.a.] / [1832-1835]
8. Sermo Suae Majestatis Caesareo-Regiae occasione traditarum benignarum Propositionum Regiarum ad SS. et OO. Regni in Palatin Primatiali habitus
Nr" 8. S e r ni o Suae Majestatis Caesareo-Regiae occasione traditarum benignarum Propositionum Regiarum ad SS. et 00. Regni in Palatio Primatiali habitus. n perpetuis Nostris, prosperitati Nobilis Gentis Hungarae intentis Studiis, et Dignitatis Regiae ornamenta, et cordis Nostri solatia reponentes, in medium Vestri venimus, ut, datam Vobis, quoad indicenda, pro systematicorum Operatorum pertractatione, mox, ubi licuerit, Comitia, Sponsionem solvamus. Ardua sunt Negotia, ad quae agenda Vos hac vice vocavimus, et illis , quae emenso quadraginta annorum Regiminis Nostri intera * vallo, in Comitiis deliberanda erant, tum amplitudine, tum vero pondere, quod iisdem ad affirmandam praesentis et futurae aetatis felicitatem inest, multum superiora. Susceperunt horum curam jam Patres Nostri per ea, quae saeculi prioris, anno supra nonagesimum primo constituebant; ipsum tamen rei efficiendae modum, totamque hanc de Patria optime merendi materiam, integram Nobis reliquerunt. Tantum hoc, quod grande sane est, opus, ineuntibus \ obis, ad vitandas, quae veneranda Antenatorum placita, saeculorum usu consecrata, Sectantibus se offerunt novandarum rerum illecebrae, lalsa salutis populorum imagine, ad devia ducentes, sapientia, quam experientia moderatrix regit, fortitudine animi, constantia, providentiaque opus erit.
