1830 Jegyzőkönyvek • Diarium Comitiorum Regni Hungariae a serenissimo, ac potentissimo Imperatore, Hungariae, et Bohemiae Rege Francisco Primo in Liberam, ac Regiam, Civitatem Posoniensem in diem 8-vam Septembris anni 1830. indictorum. / Posonii / Typis haeredum Belnayanorum / 1830

vamina, «ac postulata, quae ultimis Comitiis superari haud poterant, clementissime elargituri, ac de aliis etiam negotiis, quae ad incrementum boni publici, accomoda, et proficua fore videbuntur, cum iisdem Inclyti Regni Hungáriáé, et Partium adnexarum Statibus, et Ordinibus consilia inituri sumus. Quo circa, vobis harum serie firmiter praecipientes, benigne committimus, et mandamus, quatenus ad praescriptum Diem, et locum, certos duos, uti moris est, e medio Vestri delectos, et deputatos Nuncios, viros quippe idoneos, ac pacis et publici boni amantes, citra omnem excusationem, mittere, et expedire debeatis, qui praedictae Generali Regni Diaetae, una cum reliquis Dominis Praelatis, Baronibus, et Nobilibus, praefatique Regni nostri Hungáriáé, Partiumve eidem adnexarum Statibus, et Ordinibus Interesse noverint; curandum autem vobis erit diligenter, ut praerepetiti Nuncii Vestri ad praescriptum Terminum ibidem certo, et infallibiliter comparcant, secus sub poena, in Generali Regni Decreto expressa, non facturi. Vobis in reliquo gratia nostra Caesareo Regia benigne propensi manemus._Datum in Imperiali urbe nostra Vienna Austriae die decima quinta mensis Julii anno Domini millesimo Octingentesimo Trigesimo.— Franciscus mp. Comes Adamus Reviczky mp. Georgius Bartal mp.