1825-1827 Irományok 1. • Acta Comitiorum Regni Hungariae a Serenissimo ac Potentissimo Imperatore, Hungariae, et Bohemiae Rege Francisco Primo in Liberam, Regiam Civitatem Posoniensem in diem 11. Septembris Anni 1825. indictorum. / Posonii / Typis S. Ludovici Weber / 1825-1827
1825 / 1. ülés
inae Praetorianae Ilungaricae, ac Turmae Praetorianae Trabanorum seu Satraparum Capitanei omnes Equites , sex Nobiles adolescentes ( Edelknaben ) dicti equis insidentes, dein unus e Commissariis Janitorum Regalium Magistri vices gerentis, quos sequitur in absentia Moderatoris Nobilium Adolescentum unus e minoribus Stabuli Regii Praefectis. 17- 0. Nobilis Turma Praetoriana Hungarica ducente illam primario Locumtenente , et quatuor eorum Tubicinibus praecedentibus. 18- 0 Postea Suprema Aulae Suae Keginalis Majestatis Praefecta, cum Dominabus Hungaricis Dames du Palais dictis; sexjugis Curribus Aulicis vehitur, has vero sequuntur Agazones Nobilis Turmae Praetorianae Ilungaricae. ig-o Procedit Caesareo-Regius Currus itinerarius, quem sequuntur duodecim Veredarii, duo Postae Officiales, sex Postae Magistri, et Supremus Aulicus Postae Praefectus. 20-0. Ductum hunc claudet Centuria Pyrobolariorum et pars Equitatus Cataphractorum. Occasione hac caeteroquin per Janitorum Regalium Magistri vices gerentem, et sibi adjunctos, cointelligenter cum Aulicis ad id destinatis Ordo dignitati Solennitatis correspondens instituendus est, per quem omnibus confusionibus sollicite praecavendum erit. A Tentorio ibit ductus per plateam: Alter Getreidemarkt dictam , ad Portam Schoendorfensem, ad quam duae Centuriae peditatus in Armis stabunt, ubi Magistratus Urbis Posoniensis extra eandem Portam praestolabitur, et cum profundissima sui submissione reverebitur. Judex aut Consul Civitatis nomine totius Magistratus gratulatoria Oratione Suas Majestates demisse excipiet, eaque dicta claves Civitatis in pulvinari praesentabit, —quas Suae Majestates Sacratissimae manibus Suis quidem attrectabunt, sed ipso facto restituent, datoque Magistratui benigno responso ingressum facient in Civitatem, Magistratus vero nudato Capite ex utroque latere Sacras Suas Majestates usque Palatium Primatiale pedes comitabitur, et tunc dabitur secundum Salve cum explosione Tormentorum in Arce, et omnium Campanarum compulsatione. A Scboendorfensi Porta per Plateam ejusdem nominis Schoendorfensem procedet ductus ad Portam Sancti Michaelis, ubi supra Portam Sancti Michaelis inflantur Tubae cum sono Tympanorum aeneorum. A Porta Sancti Michaelis deflectet ductus ad Forum Fratrum Misericordiae usque Portam Sancti Laurentii, a qua procedet ductus per portam Sancti J^aurentii usque Portam Piscatorum, unde ante Capitales Vigilias (Hauptwache) per plateolam Magistratus Civici ad Aedes Primatiales procedetur. Cives cum vexillis armati comparebunt, et incipiendo a loco pro hoc destinando stabunt in ordine usque ad Palatium Primatiale, et utrumque latus totius ductu« stipabunt. Posteaqam autem Suae Majestates Sacratissimae ad Palatium Piimatiale pervenerint, Eaedem exspectante jam ibi in Pontificalibus Clero, reliquisquo S. S. et O. O. ex Carpento descendent, et in pulvinaribus jam eatenus per Aulicos praeparandis genu flexo a Domino Regni Primate, Assistentibus Dominis Episcopis et Praelatis cum aqua benedictionem recipient, et pax seu crux exosculanda Iisdem Suis Majestatibus Sacratissimis exhibetur, dein autem Suae Majestates Sacratissimae praeeuntibus priori in ordine D.D. S. S. et O. O. gradus Primatialis Palatii conscendent, atque Oratorium Sacelli Primatialis subintrabunt, et tum in Capella Te Deum Laudamus per Dominum Primatem Regni decantabitur, ac eotum tertia vice Tormentis detonabitur, Cives suis cum vexillis in loco pro hoc destinando congregabuntur, et hac quidem occasione, ne confusio aliqua inter Currus et Equos oriatur, Sclopos suos non explodent.
