Relatio Sub-Deputationis Regnicolaris in Objecto Lustrae, et Exercituationis Nobilium, ac Banderiorum ad mentem Articuli 15. 1827. exmissae. / Posonii / in Typographia Ludovici Landerer de Füskút / 1831

5

Relate autem ad Regna Croatiae, Dalmatiae, et Sclavoniae, provisionem Articuli 59 : 1711. de Insurectione eorum sonantis, ultro etiam in suo vigore relinquendam censet eadem Reg. Reputatio.

Cum vero ad rite explendam Insurectionis obligationem plurimum conferre judicasset, bene ordinatam juventutis educationem , fine hoc generalia principia nationalis educationis pro statu militari observanda projectat, et una Opus regnicolaris Reputationis ad eHfectum Articuli 15: et 67 : anni 1791. circa militarium scientiarum cathedras qualiter instituendas anno 1793. elaboratum, comitialiter discutiendum proponit.

Relatio Exc. Reputationis regnicolaris continet etiam projectum erigendae Academiae militaris Hungaricae , cujus coordinatio sub nomine Academiae militaris Ludoviceae per Art. 7 : 1808. regulata habetur. —

Posteaquam eadem Reg. Reputatio illud legale principium Regni defensionis praeassumsisset, ut omnis Nobilis, et quos lex sub hac nomenclatione complectitur, emergente legis casu personaliter in sensu legis insurgere teneatur; ut vero generalis talismodi Insurectio cum effectu, et quo citius levari, hostique opponi valeat, indispensabilem Fundi insurectionalis necessitatem adinvenisset, de constitutione, et coordinatione Cassae Insurectionalis, quomodo nempe conflanda, ad quos fines convertenda, et qualiter manipulanda sit? pluribus disserit. — Legales super his Regni constitutiones Articulo 2: 1808. recensentur.

His terminatis digressa est praememorata Reg. Reputatio ad discussionem revehendorum Banderiorum, objectique hujus elaborationem Sub-Deputationi detulerat, quae in opinione sua, cui combinatio legum de Randei iis cum observationibus adnectitur, ad tres potissimum quaestiones materiam hanc reduxit, utpote:

1- mo. Quae fuerit Randeriorum origo, et quae species defensionis?

2- do. An, quos item, et in quantum haec obligatio maneat ?

3- tio. Qua modalitate hanc modernis temporibus exigere, justum, utile, et consultum sit?

In resolutione primae questionis brevibus deducitur Institutio defensionis Regni, quin specialiter origo Banderiorum designaretur; in nexu autem ejus statuitur, banderialem Militiam, quam Regiis Banderiis insufficientibus, antelnsurectionem in Campum educere oportebat, ante Cladem Mohátsianam ad principale defensionis medium pertinuisse, obligationemve hanc banderialem postmoduni quoque usque annum 1715. quo stabilis Militia introducta fuerat, pro varietate adjunctorum vario modo, semper tamen sustentatam fuisse, jusque exigendorum Banderiorum vigore ipsius Articuli 8: 1715. hodiedum etiam reservatum existere.

Ad secundam quaestionem Banderia in tres Classes scernit eadem Sub- Reputatio.

a} In Banderia Regis, Reginae, et Officialium Regiorum, quae sumptibus Regiis producebantur; haec, posteaquam regulata Militia, et ejus adnexa ultra contributionem e regalibus proventibus providerentur, opinione Sub-Reputationis amplius jure desiderari nequeunt.

b} In Banderia bonis saecularium adnexa, circa quae ob diversas mutationes, et vicissitudines, quas antiqua haec institutio subivit, jam nunc illam quaestionem tantum supermansisse opinatur Sub-Reputatio, an non aliqua bona repoliantur talia, quibus in analogia legum obligatio banderialis imponi posset.

c} In Banderia bonis Ecclesiarum inhaerentia; de his prout in genere de Banderiis Sub-Reputatio illam exhibuit opinionem, quod productioni eorundem secundum veterem limitationem insuperabiles obstent difficultates.

Op. Band. 2