Opinio Excelsae Regnicolaris-Deputationis motivis suffulta, pro pertractandis in consequentiam Articuli 67: 1790/1 elaboratis Systematicis Operatis Articulo 8. 1827. exmissae circa objecta Rei Literariae. / Posonii / in Typographia S. Ludovici Weber / 1831
De Scholis Vernaculis
ac loci possessorum auxiliatricem implorent operam, quorum prompta adjuventur voluntate; Informationesque a scholarum vernacularum Rectoribus, cum fine cujuslibet semestris scholastici anni, adcurate sibi praestandas curent, ex quibus ipsi suas relationes tam Comitatui quam Provinciali Pro-Directori praestandas, conficere queant. Caput X. Instructio Directorum Scholarum vernacularum primariarum. §. 56. Directori Primariae Vernaculae Scholae ante omnia incumbet advigilare, ut materiae pro hoc genere Scholarum praescriptae a Magistris exacte doceantur, remissiores in Officio continuo admoneantur; Ordinationes Regiae vel alia altiora Mandata Protocollo inferantur, et pro re nata ad effectum dirigantur. Sigillum Scholae Director custodit. Classes Scholarum frequentius adit, omnibus Examinibus interest, et profectum discentium positis quaestionibus explorat; terminatis semestribus Examinibus Informationes de moribus et docendi ratione Magistrorum, de progressu Candidatorum ad Magisteria, denique de profectu ipsorum Scholarium Provinciali Pro-Directori una cum delineationum speciminibus, exhibet. Praeterea de stipendiatis adolescentibus, si qui fuerint, evoluto quovis semestri examine, illico Informationem submittit. Denique rationes de Scholaribus aerariis quibusvis, documentis suffultas, cum fine Mensis Octobris cujusvis anni, Provinciali Pro-Directori adcurate consignat. d} Sollicitudinem suam pro eo vertet, ut Candidati ad Magisteria praescriptis sibi Studiorum argumentis a concernente Professore omni diligentia imbuantur, qui subinde tam publicis quam privatis Patriae Juventutis Institutionibus, optato cum fructu admoveri possint. Tandem in locis ubi Institutum formandarum Magistrarum ac privatarum Educatricum constabilitum est, Director illud crebro adibit, examinibus intererit, seduloque advertet utrum in eodem, futurae Docentes in methodo docendi aliisque praescriptis cognitionibus recte excolantur. Caput XI. Instructio Rectorum ceterarum Scholarum vernacularum. §. 57. Rector horum Ludorum curae sibi habeat, ut Institutiones cum exordio anni scholastici incipiant, et usque ad finem ejusdem in ipsis etiam Pagis in quantum id obtineri potuerit, continuentur. — Praescripta docendi methodus, librique scholastici exacte observentur, quem in finem Ludum literarium curae suae creditum ab improviso saepe adeat, tam menstruis quam semestralibus Examinibus intersit, ac ipse quoque Scholares pertentet. Absoluto Examine semestri concernenti Comitatensi Inspectori Locorumque Magistratibus relationem praestet , Informationes Superioribus suis diligenter submittat, ac de his omnibus Protocollum duci curet.
