Gravamina et Postulata Statuum et Ordinum Regni Hungariae et Partium eidem adnexarum tam Generalia, quam Particularia, quae in Comitiis Regni Anno 1825/26 celebratis per exmissam eatenus Regnicolarem Deputationem, - etiam in ordine ad perlustrationem Situs Operati Deputationis per Articulum 67. 1790/1 in Gravaminibus ordinatae ac iis quoque, quae annis 1802. 1807. 1811/2 Comitialiter jam substrata fuerunt, denuo reassumptis, in unum collecta, et Opinione ejusdem Deputationis, partim Comitialiter pertractanda, et Suae Majestati Sacratissimae substernenda; partim ad suas Competentias releganda, vel exmittenda censebantur. / Posonii / Typis S. Ludovici Weber / [1826]

Sub A

^\.nno 1825. dio 22. Novembris in Libera Regiaque Civitate Posoniensi Comitatui ejusdem Nominis ingremiata Regnicolari Deputatione mixta, pro redigendis Gravaminibus Comitialiter exmissa, sub Praesidio Excellentissimi ac Illustrissimi Domini Comitis Stephani Illyésházy de Eadem Hereditarii in Trenchén , Dapiferorum Regalium Magistri, etc. considente: Praefatus Excellentissimus Dominus Praeses, ad scopum pertractandorum Gravaminum, duplicem medum proposuit: unum ut pro more hucdum recepto Domini Circulares Notarii, collectis relate ad quosvis circulos universis Gravaminibus, illa in pleno Deputationis Consessu proponant, ibidem singillative discutienda, subjunxit tamen, Methodum hanc diflicultatibus esse obnoxiam, consultatio nimirum in ampliori Deputatorum numero difficilior reddetur, et propter complurium Comitatensium Nunciorum influxum vel Deputationis hujus Consessibus vel vero circularibus Consultationibus hac vice frequentioribus remora injicietur. Proposuit adeoque Tit- Excellentissimus Dominus Praeses alterum etiam modum: ut quippe numerosa haec Deputatio in sex minores Subdeputationes dissolvatur, quarum prima pertractet Gravamina antiquiora, prioribus Comitiis, jam proposita, nondlim tamen superata, quatuor aliae relate ad totidem Regni Circulos Gravamina recentiora adhuc non pertractata, verum ex instructionibus Jurisdictionum colligenda, sexta demum Gravamina Regnorum Dalmatiae, Croatine et Sclavoniae, dumque singula harum opus sibi concreditum perfecerit, illud comite opiniono exhibeat, inque pleno Deputationis Consessu discutiatur. Quamvis autem modalitás etiam haec habeat illam difficultatem quod generalia Regni Gravamina in plerisque Instructionibus comprehensa, hac ratione in omnibus quatuor Circularibus Subdeputationibus eadem occurrere, sicque diversae relate ad idem objectum opiniones depromi possint, medebitur interim huic, si in respectu generalium Regni Gravaminum, attactae Circulares Subdeputationes meritum duntaxat Gravaminis expresserint, depromendam vero opinionem pleno Deputationis Consessui reliquerint.

His praemissis in ipso opere per Subdeputationes observari deberent sequentia:

1. Ut singulus Circularis Notarius, correspondentem cujuslibet Jurisdictionis Instructioni, Gravaminum Extractum a Nunciis expetat.

2. Haec per Subdeputationes in solitas quatuor classes discriminentur: Generalia utpote seu totum in complexu Regnum ferientia, item Jurisdictionum Comitatensium particularia, porro Liberarum et Regiarum Civitatum atque caeterarum Jurisdictionum separatas Portas habentium, denique privatarum Personarum vel Familiarum propria. —

3. Relate ad singulum Gravamen expositionis realitás, et qualitas, num videlicet ad Gravamina referri possit? investigetur, fineque hoc, in quantum necesse erit Documenta etiam a respectivis Ablegatis desiderentur. —

4. Disquiratur, an non hoc vel illud Gravamen jam per legem, aut Resolutionem Regiam sublatum sit, vel vero per adjuncta suapte desierit?

Quamprimum autem aliqua e Subdeputationibus opus sibi concreditum terminaverit, eatenus insinuationem Praesidi Regnicolaris hujus Deputationis faciat, una vero illud Protonotarius ad Deputationem hanc concurrentibus, scopo tamen accelerandi laboris e Subdeputationibus exmittendis, fine eo, ut pro faciliori Deputationis pertractatione adaptetur, tradat. —