Az ország-gyűlésének irásai (Buda, 1807)
1807 / 21. ülés
Acta Sessionis XXI. 75 Et sicut intime persvasi sunt, nisi mala, quibus medelam adferri desiderabant, resanentur, omne, quod praestando sunt, auxilium, breve duntaxat et transitorium adferre posse levamen: ita a paterna Suae Majestatis Sacratissimae Justitia specificam favorabilem Resolutionem eo firmiori cum fiducia se obtenturos sperasse, quod titulo medelae, maximam partem nonnisi legum effectuationem ad Regium munus pertinentem postulaverint. Filialem proinde candorem exigere, ne dolorem, quem spe hac frustrati conceperunt, optimum patrem celent; sed nullus unquam dolor fidelitatem Statuum et OO. aequabat, nullusillimitatam, qua erga Suam Majestatem Sacratissimam feruntur, fiduciam prosternet. Sua M ijestas Sacratissima, accepta ulteriori declaratione, justis Statuum et OO. desideriis conformem Benignam Resolutionem Se edituram pollicita est. In hac benigna itaque, et de explendis offerendi auxilii Conditionibus cavente assecuratione Regia conquiescentes, ethane, atque illas pro basi Oblati assumentes,SS. et OO. in testimonium sincerae fiduciae, signumque firmae, quam in sacro verbo Regio locant, spei (quae eosdem nunquam fallet) non morantur specificam Oblationis, quam pro salute publica declaraverunt, deductionem ingredi. Itaque Fideles Suae Majestatis Sacratissimae SS. et OO. diaetaliter congregati, exemplo Majorum incitati, et quoad explenda Regni desideria per Suam Majestatem Sacratissimam ad reponendam in paterno sinu fiduciam provocati, in hac Benigna, et de mediis procurandis, removendis- que publicae rei incrementi obstaculis priori demissa Repraesentatione deductis, data Benigna assecuratione Regia conquiescentes, et hanc atque illorum mediorum implementum, impedimentorum vero remotionem pro basi oblati assumentes SS. et OO., in testimonium sincerae fiduciae* signumque firmae, quam in sacro verbo Regio locant, spei, quae eosdem nunquam fallet, ex suo erga regnantem Majestatem, et salutem publicam zelo ac amore, in hoc praecise extraordinario casu, absque omni pro futuro nectenda Consequentia, salva legali Constitutione, sequentem faciunt spontaneam Oblationem. imo: Omnis seu Nobilis, seu Civis, aut cujuscunque demum Status Conditionis et nominis sit, inclusis etiam Coronalibus, Fiscalibus et Politico fundationalibus, aut quarumcunque Comunitatum Bonis, proventuum unius anni modernorum purorum suorum (excepto fundo instructo) Immobilibus, Regalibus item, et quibusvis beneficiis alias ordinarie obvenire queuntium sextam partein, ne aere quidem alieno deducto, Aerario Regio inferre tenebitur, secundum clavim, quae in singula Jurisdictione, per eandem, autexmissanTex omnis Classis Commembris Deputationem juramento adstringendam elaborabitur ; quod ipsum etiam Fodinarum Possessores a Fodinarum suarum simul sumtarum proventu puro, deductis expensis eruendo, praestabunt. Cun-
