Az ország-gyűlésének irásai (Buda, 1807)
1807 / 13. ülés
44 Majestatem proinde Vestram homagiali cum fiducia oramus, dignetur Benigne disponere, ut retenta titulo Urburarum in Beneficium altissimi aerarii cons veta, et salvis privatorum Privilegiis nunc actu in usu existente parte, detractis item, quae titulo Cusionis Juris detrahi solent, reliqua auri argentique quantitas in monetam Conventionalis valoris cusa producentibus, seu fodinarum Possessoribus pro administrato metallo immediate tradantur. Aucta sic, quae nunc sub Schaedis Bancalibus langvet, Metalli cultorum industria, veteribus fodinis recreatis, novis vero reseratis, conventionalis valoris moneta sensim ad cursum veniet. Quodsi vero cura et providentia Majestatis Vestrae Sacratissimae minoribus Schaedis Bancalibus sensim abolitis, justae ligae et conventionalis valoris moneta substituta fuerit, omnis illa etiam, quam venturorum metus recondi fecL, pecunia circulationi reddetur. Dummodo Majestas Vestra Sacratissima Leges Regni de re montana Camerae Regiae Hungaricae subordinanda, de auro et argento e Regno non evehendo, de moneta justae Ligae et Conventionalis valoris cudenda sonantes, de Campsoribus item et feneratoribus, ac adulteratae monetae introductoribus latas effectuari, et quia totius Monarchias interest, per universam Monarchiam observari facere dignetur. i Erigit hoc Sanctimonia Legum: Salus publica, et conservatio Status Crediti postulant. Omnis enim monetae infra conventionalem valorem cusio notabilem semper caristiam generavit, quae maximae et pauperrimae Civium Classi gravisimma, ipsi quoque altissimo Aerario Regio per reactionem nimis damnosa est. Exempla praeteritorum temporum humillima filiali reverentia inducta, asserta nostra extra omne dubium posuerunt. Jam sub Ferdi- nando 2do Imperatore moneta infra justum valorem cudi cepta, articuli 39, 40 et 4t. 162g modernorum temporum calamitatem quasi depinxisse videntur. Naturalis haec est sequela; cum enim conventionalem Metalli valorem tacita jam consensio defixerit, si massa metalli, quae antea juxta valorem suum internum et realem 5 cruciferos valebat, nunc ad semel 30 cruciferis signetur, non valor reális Monetae hujus sexduplo auf ebitur, sed priscus Cruciferorum valor minuetur. Quo facto, nisi et liles, et omnes cujuscunque nominis Status Servitores in eadem crescente proportione Stipendiis ac Salariis provideantur, cum aperto Status publici discrimine mediis subsistentiae frustrabuntur. Creditum signorum, quae conventionalis valoris monetam repraesentant, magna parte a Hypotheca, cui fides illarum innititur, pendet. 13. Ülés Írásai.
