Ratio Educationis Publicae totiusque Rei Literariae per Regnum Hungariae et Provincias eidem adnexas (Buda, 1806)
VI ea defigantur Studiorum genera , quae futuris cuiusque conditionibus sint adcommo- datissima; nec quidquam tenerae proponatur aetati, nisi quod imposterum eidem ad- iumento esse possit. Atque, vt a plebeis ordiamur, perspicuum est, in horum institutione iilud vel maxime esse spectandum: vt iis informentur artibus , quae pertinent ad praestanda officia boni hominis, fidelis subditi, ac probi christiani; tum iis, quae faciunt ad varia vitae genera Adolescentibus huiusmodi proposita; qui scilicet aetate iam adulta, futuri sunt agricolae, opifices, quaestores,vel denique alia quaeuis humanae Societatis membra ; illi vero , quibus natura maiores ingenii facultates est largita, apta sublimioribus disciplinis ponant fundamenta. Jn horum ergo gratiam SCHOLAE A ER- NACVLAE, seu, vt iam vocant, NATIONALES in Pagis, Oppidis , et Vrbibus erunt erigendae, et propria iisdem, eaque opportuna instituta, et leges sanciendae, quarum ope
