Ratio Educationis Publicae totiusque Rei Literariae per Regnum Hungariae et Provincias eidem adnexas (Buda, 1806)

X

rii, spectata ipsa etiam Auditorum aetate > ad maturitatem iam sensim accedente.

Multi post absolutas, quae ad Humanitatem pertinent, disciplinas studia sua vitra prosequuntur, et operam ad condiscendam Philosophiam traducunt, ibi demum experturi: quo spiritus ferat, et ratio? sit- ne studiis ponenda meta? vel ineunda Theologia , aut Iurisprudentia ? vel vero Ars Medica consectanda? vt nempe his doctrinarum adminiculis aut necessaria vitae subsidia sibi comparent, aut vtilia Regi, Patriaeque suae obsequia praestent : quapropter verum hic esse Triuium recte quis dixerit. Cum autem e Gymnasiis facienda sit accessio ad Studium Philosophicum , omnibus illis, qui aliquam e tribus volunt inire viam, necessarium; illud etiam erat constituendum : primo, vt disciplinae huius Studii cum Scientiis in Gymnasio pertractatis affinitatem