Erdély Nagyfejedelemség 1846-dik évi szeptember 9-re Kolozsvár szabad királyi városába hirdetett Országgyülésének irománykönyve, 1846. szeptember 9. - 1847. november 10. (Kolozsvár 1846)
1846 / 18. ülés
XYJll. i'l.KS IRDMÍNTAI. 18 Quam electionis, per libera suffragia institutae seriem, pro altissima confirmatione, sequentibus humillimis precibus Majestati Vestrae Sacratissimae praesentare sustinemus: Quum innuente Compilatarum Const, p. 2-ae Tit. 4-i a. 4-i puncto 15-0 restaurandi Magistratus sub Comitiis, post enatam vacantiam primitus celebrandis eligendi, confirmandi, depositoque coram Statibus et Ordinibus juramento, ad munus adeptum introducendi sint: in derogamen hujus legis, et juris eligendi, Statibus et Ordinibus competentis evenisse non sine solicitudine cernimus, quod legitimam Statuum et Ordinum, ad alterum Magistri Protonotarii munus, sub praeteritis Comitiis susceptam e- lectionem, durantibus iisdem Comitiis benigna confirmatio subsecuta haud sit, et hac ratione actus electionis legali eflectu caruerit. Intime persvasi, mutuam inter optimum Principem, fidelemque populum fiduciam, firmissimum salutis publicae robur ac fundamentum, potissimum stricta legum observantia consolidari, Majestatem Vestram Sacratissimam humillime exoramus, dignetur e paterna sua, Leges, Jura ac Consvetudines nostras conservandi propensione, altissirnam confirmationem ad praesenta- ta officia sub his adhuc Comitiis clementer eo magis impertiri, quod e- lectionem Statuum et Ordinum legitime institutam, in sensu praecitatae legis, nec sine b. confirmatione relinqui, nec solutis Comitiis, amplius pro basi confirmationis deservire posse sentiamus. Porro, quemadmodum nos electionem ad singulas stationes per distincta Schemata praesentamus: eadem lege e quovis Schemate, ad concernens munus, unum individuum b. confirmari humillime oramus; ne per totalem alicujus Schematis praeteritionem obligatio art. 20-i anni 1791, \ \ cujus distincta ad quasvis stationes proponenda sunt Schemata, unilateralis evadat, et avita nostra eligendi libertas restrictionem patiatur. Tandem, cum Leges Patriae fundamentales rationem competentiae receptarum religionum, quam etiam diversarum nationum habendam exposcant: hujus in subsecuturis denominationibus benignam haberi considerationem humillime supplicantes, silentio praeterire non possumus, de praesenti unum tantum esse ex Unitariae religioni addictis in Consilio Intimo Consiliarium, ex vacantibus autem Protonotariorum stationibus unam Romano Catholicae, alteram Evang. Reformatae religionis asseclas concernere; enixe itidem Majestatem Vestram Sacratissimam oramus, ut ad votorum pluralitatem, Statuum et Ordinum desiderium exprimentem condigne reflectere, intuitu autem Collationalium, desuper expediendarum eam clementer adornare dispositionem, ut in iis, sensu art. 20-i anni 1791-i, liberae Statuum electionis expressa fiat mentio, ac demum demissarum precum nostrarum, in humillimis nostris repraesentationibus ddto 8-ae julii et 20-ae novembris anni 1838 in hoc merito fusarum complemento nos consolari dignetur. Intemerata fide et fidelitate persistentes Majestatis Vestrae Sacratissimae Claudiopoli die 9-a octobris, 1846. humillimi perpetuoque fideles subditi ac servi SS. et 00. trium Nationum Magni Principatus Transsilvaniae et Partiumque eidem reincorporatarum universi.
