AZ ORSZÁGOS SZÉCHÉNYI KÖNYVTÁR ÉVKÖNYVE 1991-1993. Budapest (1997)

III. Könyvtörténeti és művelődéstörténeti tanulmányok - Borsa Gedeon: Korabeli tudósítások Nürnbergben az 1514. évi magyarországi parasztháborúról

zumachen, domit er auch zuleben het. Aus 14 pischouen, so das Hungerlandt hat, einen bleiben zulasen, allen adel auszudilgen, di grosen beschwernus von sich zulegen. Der gestalt, das nwr ein konig, ein pischof vnd zwen herrn, di dem konig dinten, bleiben solten. Diser mainung haben si etwo vhil Schlosser vnd flecken 468a // 468b erobert, berowbt, geplündert, vertiert, verprant, den pischoff von Schinoden oder Tschauiadi, vnd einen geschätzt, gespist, vnd sunst ander mer geistlich vnd etlich hundert vom adel, auch di kinder in wigen, Mawtner, Zollner, vnd wen si ankörnen mögen, gepfolet. di pischof von Gran vnd funfkirchen, den grosgraffen vnd al gewaltig bedroet, die weiber in irer man ansehen geschwecht, vnd vhil ander mer vnseglich tijrannei geübt, das auch Offen, da hin der adel zu dem konig geflohen vnd den cardinal beschuldigt, in grosser geferlikheit gestanden ist, vnd di burger sambt denen von Pest ire gutere gen Breßburg geflohnet haben. Des Kongs vnd der Hungerischn herrn rustung vnd gegenwer wider die krewtzer. Der 8l.artickel. Konig Ladislaus vnd di stat Offen haben solt aufrueffen lasen, seien bei 600 Behemischer puchsenschutzen beschriben, vnd hauptleut gemacht, Borlamissa der ein heer auf dem landt her disseits der Thonaw, graf Jorg des Weida brúder, der ein heer dagessent der Thonaw, vnd graf Hans von Trentschin oder Zips, weida in Sibenburgen, der auch ein gewaltig heer aus Sibenburgen gefurt hat. 71 Zeckel Jörgen niderlag vnd grausamer tod, der 82.art. Erst ernenter weida ist Sunabent den 22. Julij mit den Sibenburgern herauf gegen dem marckt Themischwar, bei acht meil vnther Offen komen, gantz vnuersehen, dann er allererst Zeckel Jörgen geschriben vnd das Datum zu Hermanstat, ist di hauptstat in Sibenburgen, 32 meil von Offen, gesetzt vnd hat vber in, wer in den lebendig precht, tausent gulden ausgepoten, als solchs Zeckel Jorg in der belegerung berurts schlos Themischwar, so der Watrischwan 468b // 469a von des kongs wegen innen gehabt, erfaren, vnd glauben muesen. Hat er eilends mit 200 pferden di feindt selbst besichtigen, oder vileicht flihen wollen, das aber dem Weida von den seinen, so er in Zeckel Jörgen heer gehabt, verkuntschaft worden, darauf er an alles verzihen etlich hundert geraisiger von sich geschickt, di den Zeckel Jörgen vmbgeben, alsbald vnther den gawl gerendt, gewundet, vnd in freiem veld, aber gantz schwerlich, dann er sich manlich gewert, vnd lieber vmkomen wer, sambt andern mer gefangen vnd dem weida gebracht, der ine anschmiden, vnd alsbald mit dem gewaltigen häufen vnd des kongs fannen zu den krewtzern geruckt, inen solchs anzaigen, vnd aufraffen lasen hat, wer zu des kongs fannen tretten, denen wol er gut vnd purg, das inen alle Handlung verzihen vnd vergessen sein sol, welchs der gemein man vnd vhaft das gantz heer alßbald gethan. Die Hussarn aber haben sich solang geweret, das aus inen ein grosse summa erschlagen vnd gefangen ist. Daraus hat der weida des Zeckel Jörgen brúder, Zeckel Hans oder Jacob genant, vnd noch zehen dije furnemsten behalten, die vbrigen zu stucken hauen, den Zeckel Jörgen in einer gruben enthalten, ertzneien, vnd als er seins Sterbens besorgt, den ailfen des volgenden Montags gepiten lasen, sich nackent auf ein starcke eingemachte panck gepunden gewesen ist, mit den zennen zuerspeisen, als ob si in essen wolten, oder si solten alßbald mit gluenden Zangen, so darauf gewartet haben, zerrissen oder sunst zu stucken gehawen werden, wi dann zubescheen engefangen, 469a//469b dodurch si willig vnd paisig gemacht sein. Do solchs ein Zeit geweret, vnd man dem Zeckel Jörgen di armroren gesehen, hat er fur seinen brúder, als den er zu disem furnemen benottigt, vmb gottis willen gepeten. Darauf hat in der Weida in seinem angesicht auf stuck hawen lasen, vnd den zehen, den Zeckel Jörgen von newen zupaisen, vnd als er awserhalb des kopfs vnd angesichts wenig flaisch mer gehabt vnd vast vbel gestuncken, im einen fewrigen eysenhut oder mawlkorb eines peisenden pferds an stat einer krön auf das haupt zusetzen, vnd das als er di Vernunft verlorn abzuschlahen, vnd den kreutzern gen Zigedein, das si innen gehabt, zuschicken vnd doselbst aufzustecken gepoten. Hat auch den pottig praten, vnd aus den zehen di sechs todschlachen, vnd di vier, im di eingraben schetz zu offenwaren, ein Zeit lang enthalten lasen, derhalb der konig vnd di Bischof zu Offen in vnser frawen pfar vnd sant Jörgen kirchen Te deum laudamus vnd ein herlich ampt, wi am Ostertag, zu singen verordnet haben. Eroberung vnd plunderung Bardein, vnd pfaf Lorentzen tod, Der 83.art. Auf dise so froliche Zeitung haben di burger, gemein vnd geistlichen, der vhil sein zu Bardein, den hauptman Pfaf Lorentzen mit seinen krewtzern aus irer stat, so er innen gehabt, getriben, der sich mit etlich tawsent pawrn vnd landtuolck gestreckt, di stat widerumb erobert, bi in zehen tag geplündert, gros 335