Vizkeley András szerk.: „Világ világa, virágnak virága…”. Ómagyar Mária–siralom (Kézirattár, Budapest, 1986)

ÓMAGYAR MÁRIA-SIRALOM A hasonmásban mellékelt vers szövege

[30] [35] Volek sirolm thudothlon sy rolmol sepedyk. buol ozuk epedek- Walasth vylagum tul sydou fyodumtul ezes [ 5] urumemtuul: O en eses urodum eggen yg fyodum: syrou aniath thekunched buabeleul kyniuhhad; Scemem kunuel arad en iunhum buol farad / [ío] the werud hullothya en iunhum olelothya Vylag uila ga viragnac uiraga. keserű en. kynzathul uos scegegkel werethul: Vh nequem en [l5] fyon ezes mezuul / Scege nul scepsegud wirud hioll wyzeul. Syrolmom fuha zatum therthetyk kyul en iumhumnok bel bua qui [20] sumha nym kyul hyul: Wegh halai engumet / eggedum illen / maraggun uro dum / kyth wylag felleyn O ygoz symeonnok bezzeg scouuo ere en érzem ez buthuruth / kyt niha egyre. Tulcd ualmun de num ualallal / hul yg kynzassal / Fyom halállal • Sydou myth thez turuentelen / fyom merth hol byuntelen / fugwa / huztuzwa wklel / ue / kethwe ulud. Kegug gethuk fyomnok / ne leg kegulm mogomnok / owog halai kynaal / anyath ezes fyaal / egembelu ullyetuk.