Palla Ákos szerk.: Az Országos Orvostörténeti Könyvtár közleményei 4. (Budapest, 1956)

Prof. IVÁNYI BÉLA: „Vízégetés" Nyugat-Magyarországon a XVI—XVII. században

Füef die Gelbsucht Bünsaugen Wasser. Füer den Stein Mőrrettich Wasser, Eppich oder Ephe Wasser. Füer das Gücht Wallwuertz Wasser. Der Frauen zu der Gebuertt der Khünder Balleyen Wasser. Füer die Wiermb Grensing Wasser, Creutz Wuertzel Wasser, Gelb Feigel Wasser. Ist guett, wen das Müern sich ist van Khólten wegen, wermet es vnd stei'ckhet die Sine, auch crefftigt es die gedechtnus, vnd macht guet Sin, vnd erfreut die Seel, vnd auch das gemiete. Item es leutert vnd crefftigt des verdorben Bluet, vnnd wermet des Merckh in den Painen, vnd treibet ale khalte sucht ausz. Item es ist auch guet den Schlag getroffen hat, das inen die Zung lamb ist vnnd mit reden khünen, wen sie des trünckhen. Auch denen es die seyten gtroffen hat, wan sie es trünckhen, vnd die Seyten damit schmieren. Item welchen die hennd sehr züttern, der sol die Hennd damit schmiern, vnd nicht trünckhen. So benimbt es Inen das züttern. Item es khüelet auch inwendig das Hertz, vnd erfreuet das geblüett. Auch ist es guet füer ale Fleckhen die vndter den Angesicht sein, sie sein von Hitz oder Khelten, macht auch das Angesicht trefflich vnd clar. Item ein Tüechlein darein genetzt, vnd vmb das Haubt gebunten, das ist guet, vnd legt allen Wehrtagen, vnd Schüsz des Haubts vnd macht wol schlaffent. Beyfuesz Wasser Beyfuesz oder Symewentgüertel Wasser ist heysz vnd truckhen, im anndern gratt, vnd ist guett füer die Mutz oder schaben in dem Haar, vnd lest bey Zeit Bartt wachsen, vnnd streckhet die