Szent Benedek-rendi katolikus gimnázium, Nagyszombat, 1894
178 A nemesi konviktus alapító levele 1624-ből. (Ocskovszky: Historia urbis Tirnaviensis czimű könyve végén.) Nos Ferdinandus 2. etc. Memoriae commendamus etc. Quod Reverendissimus in Christo Pater, Dominus Petrus Pázmánus, Archiepiscopus Ecclesiae Metropolitanae Strigoni- ensis etc. nostram personaliter veniens in praesentiam exhibuit et praesentavit nobis quasdam litteras, novae fundationis Seminarii liberi nobilium Hungarorum in civitate Tirnaviensi a se erecti, cum perpetua assignatione annuorum quinque millium florenorum hungaricorum, supplicavitque nobis humillime, ut quemadmodum Sanctissimus Dominus noster Urbanus divina providentia Papa octavus huic fundationi assensum praebuit, ita nos quoque easdem litteras novae fundationis seminarii, omniaque et singula in eis contenta clementer ratiticare et confirmare dignaremur. Quarum quidem literarum tenor est talis. Nos Petrus Pázmánus miseratione divina Archiepiscopus Ecclesiae Metropolitanae Strigo- niensis, locique ejusdem Comes perpetuus, Primas regni Hungáriáé, Legatus natus, summus Secretarius Cancellarius, ac sacratissimi Principis et Domini Domini Ferdinandi secundi, electi Romanorum Imperatoris semper Augusti, ac Germaniae, Hungáriáé, Bohemiae etc. Regis etc. intimus Consiliarius, damus pro memoria. Quod, cum ad officii Pastoralis curam ac sollicitudinem illud vel maxime pertinere intelligamus, ut catholicae Religionis ac honestarum disciplinarum ruinas, quas vel bellorum strages, vel haeresum fraudes intulerunt, quantum Deo auxiliante valemus, pristino nitori restituamus: idcirco conatus omnes eo direximus, ut vias ac rationes avitae religionis ac eruditionis in integrum restituendae sollicite indagaremus, atque inter has ipsas intestinorum motuum clades, pro virium ac facultatum nostrarum tenuitate incunctanter Deo duce arriperemus. Cum igitur
