Mitteilungen des Österreichischen Staatsarchivs 42. (1992)
LIETZMANN, Hilda: Quellen zur ungarischen Krönung Rudolfs II. im Jahre 1572
Ungarische Krönung Rudolfs II. 1572 aus dem schiff getretten, hat der Herr Erzbischof von Gran122) die K. M. von wegen gemainer Stennde des Khünigreichs Hungern mit ainer zierlichen latheinischen oration unnderthenigist empfanngen, ungeverlich diß innhalts, das sich gemaine Stende des Khünigreichs I. K. M. ge- sundts unnd glickhlichen ankhunfft, die sy von herzen gewünscht het- ten, unnderthenigist erfreueten unnd zum höchsten bedannckheten. Das I. K. M. unaingeschehen irer leibsschwacheit unnd obligenden vil- felltigen gescheffte sich nit beschwerdt haben, das Khünigreich unnd sy alls gehorsame Stenndt unnd unnderthonen genedigclich zubesuechen unnd betten unnderthenigist, I. K. M. wolten noch vorthin wie bißheer ir aller genedigister Khünig beleiben, sy bey iren unnd yeder stanndts innsonnderhait Privilegien recht unnd gewonhaiten erhalten, schüzen unnd hanndthaben, mit stattlicher belobung unnd rhüemung deren kö- nigclichen unnd fürstlichen gnaden unnd tugenden darinnen I. M. bis- heer sollches Künigkreich in all iren obligen unnd nöten vätterlich ge- regiert hetten, hergegen sy sich schuldig erkhennten unnd gehor- sambst erbittig weren, yederzeit alls getreue, stanndthaffte unnd gehorsame underthonen ungesparth ires eusseristen vermügens zuerzaigen. Insonnderhait aber bedannckhten sich gemaine Stende zum höchsten, das I. K. M. auf ir unnderthenigist flehen unnd bitten, zweiffels ohne dem Khünigreich unnd gannzer Cristenheit zum besten so genedigclich vätterlich unnd güetig bewilligte, noch in irem leben, iren elltisten erst gebornnen sun, den durchleuchtigisten hochgebornnen Fürsten unnd Herrn, Herrn Ruedolphen, Erzherzogen zu Österreich zu irem Khünig in Hungern crönen zulassen. Seyttemal derselb I. K. M. [fol. 42 r] in allen fürstlichen tugenden nachvolgete unnd sy sich zu S[einer] Fürstlichen] D[urchlaucht] nit weniger genaden, guete, milttigkheit unnd gerech- tigkhait getrösteten. Sölten sich demnach 1. K. M. genedigclich versehen, das sy I. D. nit allain blößlich für iren allergenedigisten Khünig unnd Herrn eeren unnd erkhennen, ime getrew, gehorsam unnd ge- werttig sein, sonnder in allem annderm sich gegen Seiner Khün[igli- chen] W[ürde] also erzaigen wollen, alls es stanndthafften gethreuen unnderthonen gebürt und sy es bisheer I. K. M. selbst unnd dero löblichen Vorfahren gethon hetten, unnderthenigclich bittend, I. K. M. wolten die angestellte crönung mit gnaden ins werckh zestellen unnd zube- fürdern bedacht sein. Darauf I. K. M. selbst aigner person inen in latéin khurzlich genedigclich geantwortt: I. K. M. nemen der Stende, welche sy für ire getreue unnd gehorsame unnderthonen erkhennete, auch bisheer allso gespürt unnd befunden hetten, gehorsamiste aigen personnliche erzaigung und 122) Anton Wránczy (Verantius), Erzbischof von Gran/Esztergom. 85
