Károlyi Árpád (szerk.): Monumenta Hungariae Historica 3. Monumenta Comitialia regni Hungariae 11. 1605—1606 (Bp., 1899)

VI. TÓTORSZÁGI TARTOMÁNY-GYŰLÉSEK 1605-BEN.

1605. JANUÁR 13. 891 celebrari hoc disturbii et rebellionis tempore nequaquam poterat, iidemque nunctii regni ob huiusmodi defectum et causam redire coacti fuerint; ideo domini regnicolae contributionem regni pecuniarum videlicet haramialium ex necessitate publica a singula domo iobbagionali iuxta connumerationem denarios centum solvendos deberi statuissent. Cuius quidem contributionis pro medietate videlicet denariorum quinquaginta terminus decimus quintus dies Junii, pro altera vero medietate festum beati Michaelis archangeli proxime venturum constituuntur, observata poena de non administratione dictae contributionis in articulis Posoniensibus statuta. Nobiles autem unius sessionis, usque ad connumerationem primitus rectificandam, singuli per denarios quinquaginta contribuent sub poena superius denotata. Quantum praeterea ad generalem insurrectionem Statuum et Ordinum attinet, Status ipsi referunt se ad articulum praecedentis congregationis superinde sancitum. Statutum item est super eo per dominos Status et Ordines Regni, ut sigilla iudicialia utpote dominorum vicebani et vicecomitis comitatus Yarasdiensis in posterum perpetuo non apud notarium comitatuum sed apud ipsos vicebanum et vicecomitem maneant. Ita tamen. quod quicunque causantium seu litigantium voluerint qualesunque literas obsignari, eaedem non alibi sed Semper in sedibus iudiciariis cum proclamatione partium obsignari debebunt. Cui obsignationi adiungentur subscriptiones propriarum manuum iudicum nobilium et reliquorum assessorum huiusmodi sedis iudiciariae more alias in talibus observato. Quia Egregius Franciscus Ztolnykowych alias iudex nobilium comitatus Zagrabiensis in ipso iudicis nobilium officio a multis fere annis fideliter perstitit, iam vero nunc gravi senio confectus et ob corporis adversam valetudinem officio sponte cessit. nihilominus ad requisitionem dominorum regnicolarum idem officium usque ad sedem comitaluum Zagrabiensis et Crisiensis primitus celebrandam ges-