Nagy Imre: Sopron vármegye története. Oklevéltár második kötet (Sopron, 1891)
373. II. Ulászló király Sár kán Ambrusnak, Pozsony és Sopron vármegyék főispánjának, küsz lovas tartására a királyi kincstárból ezer forintot utalványoz. Buda, 1508. jul. 9. Nos Wladislaus dei grácia rex Hungarie et Bohemie etc. recognoscimus per presentes, quod cum fidelis noster magnificus Ambrosius Sarkán comes noster Posoniensis et Soproniensis, nobis plurimis in rebus fidei sue commissis iam a pluribus annis non solum fideliter verum eciam utiliter servierit, seque de nobis ob huiusmodi gratuita obsequia sua bene eciam meritum reddiderit, volentes eundem, ut par est, aliquo favoris et benivolencie nostre munere prosequi, sibi igitur ex nunc singulis annis, donec scilicet et quousque in nostris serviciis perseverabit, succesivis semper temporibus ad viginti equites pro sallariis mille florenos per thezaurarium nostrum, pro tempore constitutum, dandos duximus et deputandos, damusque et deputamus per presentes, ita videlicet, quod damnum illud, si quod in nostris huiusmodi serviciis in equis suis pateretur, ad nostram non debeat computari racionem, quocirca vobis fidelibus nostris magnifico Benedicto de Bathyan, moderno, futurisque thesaurariis nostris, harum serie firmissime committimus et mandamus, quatenus amodo singulis annis succesivis semper temporibus prescriptos mille florenos ad ipsos viginti equites, prefato Ambrosio Sarkan, quoad in nostris, ut prefertur, serviciis perseverabit, sine omni difficultate et subterfugio aliquali, nostram regiam ad racionem dare et consigliare, ab eoque tandem literas semper quittanciales recipére et pro vestra expedicione reservare modis omnibus debeatis et teneamini, et aliud nulla racione facere presummatis. Presentibus perlectis exhibenti restitutis. Datum Bude, die dominico proximo ante festum Margarethe virginis et martyris, anno domini Millesimo quingentesimo octavo, regnorum nostrorum Hungarie etc. anno decimo octavo, Bohemie vero tricesimo octavo. Relacio magnifici domini Benedicti de Bathyan thezaurarii regie maiestatis.
