Nagy Imre: Sopron vármegye története. Oklevéltár második kötet (Sopron, 1891)
349. II. Ulászló király a vármegye közönségét utasítja, hogy bizonyságot tegyen arról, hogy Potyondi Domokos bizonyos röjtöki zálogos birtok kiváltása dolgában mit válaszolt akkor, midőn őt ez iránt a törvényszék előtt Vági György megkérdezte. Buda, 1494. mart. 10. de commissione domini regis. Uladislaus dei grácia rex Hungarie Bohemie etc. fidelibus nostris iudicibus ac universitati nobilium comitatus Soproniensis salutem et gráciám. Dicitur nobis in persona nobilis Gregorii de Wagh, quomodo circa festum beati Nicolai episcopi et confessoris proxime preteritum, dum videlicet ipse in sede iudiciaria eiusdem comitatus Soproniensis fuisset constitutus, tunc nobilis Georgius de eadem Wagh frater eiusdem exponentis, in persona eiusdem, nobilem Dominicum de Pothyand his verbis fuisset coram vobis allocutus, charissime frater non expectassem, quod tu, dum nobilis domina Margaretha, relieta condam Thome de Wagh, vigore quarumdam literarum amonitoriarum, prefatum exponentem ad levandam pecuniam illám, pro qua quedam porcio possessionaria in possessione Reithek vocata in dicto comitatu Soproniensi existente habita, apud ipsum titulo pignoris extitisset, per te ut regium hominem et testimonium capituli ecclesie Castriferrei amoneri fecisset, vicinos et commetaneos illac non invocasses, qui quidem Dominicus eidem id coram vobis respondisset, quod ipse in ipsa amonicione et execucione homo regius non fuisset. Unde idem exponens pro cautela iuris sui superinde a vobis literas vestras habere vellet, iure et iusticia mediante; et quia iusticia nemini debet abnegari, ideo fidelitati vestre harum serie firmiter precipiendo mandamus, quatenus acceptis presentibus premissis suo modo se habentibus, literas vestras super negocio prescripto necessarias prefato exponenti iuris sui ad cautelam dare et concedere debeatis, iusticia mediante, secus non facturi, presentibus perlectis exhibenti restitutis. Datum Bude, feria secunda proxima post dominicam Letare, anno domini Millesimo quadringentesimo nonagesimo quarto.
