Nagy Imre: Sopron vármegye története. Oklevéltár második kötet (Sopron, 1891)
proxime preteritimi quidam fures et malefactores triginta sex equos equaciales Dominici Zenthkyraly iobagionis ipsius exponentis in possessione sua Was vocata in comitatu Comaromiensi existente commorantis, de campo eiusdem possessionis furtive abstulissent ; tunc Benedictus de Kysfalwd comes (így) comitatus Soproniensis dictos fures in via proficiscendo simulcum prefatis equis captivasset, captosque per aliquot dies detinuisset, tandemque eosdem fures liberos abire permisisset, dictosque equos furtive ablatos sibimet retinuisset, ipsique exponenti sepius petenti reddere recusasset, prout recusaret eciam de presenti erga se conservando potencia mediante in preiudicium et damnum dicti exponentis valde magnum, super quo fidelitati vestre fìrmiter precipiendo mandamus, quatenus vestrum mittatis hominem pro testimonio fidedignum, quo presente certi ex electis et iuratis nobilibus dicti comitatus Soproniensis, tanquam homines nostri, quos ad id serie presencium accedere iubemus, iuxta vim et formám generális decreti nostri ab omnibus nobilibus et ignobilibus boni status et honeste condicionis hominibus vicinis scilicet et commetaneis prescripte possessionis Kysfalwd, ubi premissa facta fuisse dicuntur, a quibus decens et opportunum fuerit, sub onere sedecim marcarum gravium per comitem vel vicecomitem et iudices nobilium pretacti comitatus Soproniensis super hos, qui huiusmodi veritatis fassionem et attestacionem facere recusarent, auctoritate nostra regia immediate exigendo, ad fidem eorum deo debitam fidelitatemque nobis et sacro nostro regio dyademati observandam tacto dominice crucis signo prestandam, seorsum et singillatim investigando, sciant, inquirant et experiantur meram, plenam atque omnimodam de premissis certitudinis veritatem, qua rescita et experta, unus ex eisdem electis et iuratis nobilibus dicto vestro testimonio presente, evocet prefatum Benedictum de Kysfalwd contra annotatum exponentem ad octavas festi beati Michaelis archangeli nunc venturas nostram personalem in presenciam racionem de premissis redditurum efficacem, litis pendencia, si qua foret, inter ipsos non obstante, insinuando ibidem eidem, ut sive ipse octavis in predictis coram dieta nostra
