Nagy Imre: Sopron vármegye története. Oklevéltár második kötet (Sopron, 1891)

exponentes, ex tali discordia nolumus suis iuribus destituì, igitur mandamus harum serie fidelitati vestre firmissime, quatenus statim receptis presentibus, non obstante priori execucione inter partes facta, ad execucionem predictam, ex novo vestrum hominem idoneum et pro testimonio fidedignum deputare debeatis, presente quo, homo noster per nos deputatus execucionem predictam inter partes iuxta nostram adiudicacionem peragere valeat suo ordine atque possit; et tandem seriem premissorum, ut fuerit expediens, nostre personali presencie fìdeliter rescribatis, secus non facturi, presentibus perlectis exhibenti restitutis. Datum Bude, feria quarta proxima post festum Exaltacionis sancte crucis, anno domini Millesimo quadringentesimo septuagesimo sexto, regni nostri anno decimo nono, coronacionis vero tredecimo. Nos enim mandatis eiusdem vestre serenitatis in omnibus obedire volentes ut tenemur, unacum magistro Michaele de Lelez homine vestro de curia vestra regia specialiter ad infrascripta peragenda transmisso, in literisque vestris adiudicatoriis modo simili nobis directis et summo cum honore receptis inter alios nominatim conscripto, nostrum hominem videlicet honorabilem magistrum Demetrium socium et concanicum nostrum, ad contenta earumdem literarum vestrarum adiudicatoriarum perficienda nostro pro testimonio transmisimus fidedignum; qui tandem ad nos reversi nobis concorditer retulerunt, quod quamvis iuxta continenciam literarum vestrarum adiudicatoriarum prenarratarum, in festo beati Bartholomei apostoli pronunc preterito, aliisque diebus aptis et sufficientibus, execucio fieri debuerit, aliqualiterque incepta extiterit, tamen ipsi iuxta premissum vestre serenitatis preceptum feria quinta proxima ante festum beati Francisci confessonis proxime preteritum, primo'ad faciem predii Zanthozakan aliter Barathzakan vocati, cum vicinis et commetaneis necnon nobilibus comprovincialibus comitatus Soproniensis illac legitimé convocatis et presentibus accedendo, ubi pro parte venerabilis et religiosi fratris Pauli abbatis ecclesie de Borsmonostra revidendum et incipiendum ipsum predium per suas veras metas reambulando, ac evidentibus et apparentibus signis consignando, hoc ordine