Nagy Imre: Sopron vármegye története. Oklevéltár második kötet (Sopron, 1891)
iidem exponentes sed multo imo in duplo maiorem partem et porcionem de presenti conservarent et uterentur potencialiter. Et quod his retrolapsis temporibus nobiles domine reliete dictorum condam Johannis Czene et Laurencii similiter Czene, ex consensu et voluntate Johannis Zewke de eadem Gyaloka universas literas et literalia ipsorum instrumenta, factum universorum iurium dictorum exponencium ac annotatorum Johannis necnon Martini et Benedicti Czene dictorum communiter concernencia, per ipsosque exponentes in sacristia parochialis ecclesie ipsorum repositas et locata vi et potencialiter abstulissent, quas et que iidem domine reliete, Johannes, Martinus et Benedictus filii earumdem erga se conservarent de presenti. Ceterum Albertus de Wys certas porciones possessionarias annotate domine Elizabeth exponentis in possessionibus Gyelewez et Gereblyen predicta in eodem comitatù Soproniensi existentibus habitas minus iuste et indebite ac via iuris sine omni erga se occupative teneret et easdem uteretur de presenti, potencia mediante, in preiudicium dictorum exponencium et damnum valde magnum. Super quo amiciciam vestram presentibus petimus diligenter, quatenus vestrum mittatis hominem pro testimonio fidedignum, quo presente Petrus de Beren aut Blasius de eadem vel Gregorius de Saagh sin Dionisius de eadem seu Martinus de Ladon sive Nicolaus neve Ladislaus Adriani de eadem aliis absentibus homo regius, scita prius premissorum mera veritate, ad prefatos Johannem filium Johannis, Martinum et Benedictum filios Laurencii Czene ac dominas Dorotheam et Elizabetham genitrices eorumdem et Albertum de Wys accedendo, ammoneat eosdem dicatque et committat eisdem verbo regio, ut ipsi rectam et equalem partem seu porcionem de predictis possessione Gyaloka et porcione possessionaria in dieta Gereblyen habita eisdem exponentibus extradari, literas eciam et literalia instrumenta ipsos, ut premittitur, communiter tangentes et concernencia, per ipsos modo quo supra ablatas et recepta, eisdem eo, quod ipsi exponentes maiores etate dictis Johanne, Martino et Benedicto esse dinoscuntur ad conservandum tradere et assignare debeant et teneantur, qui si fecerint benequidem,
