Nagy Imre: Sopron vármegye története. Oklevéltár második kötet (Sopron, 1891)
continenciam unum ex nobis videlicet Petrum de Ker ad infrascriptam inquisicionem faciendam de sede nostra iudiciaria nostro pro testimonio fidedignum duximus destinandum ; demum idem exinde ad nos reversus retulit nobis eo modo, quod ipse in dominica Ramispalmarum proxime preterita in comitatu Soproniensi pariter procedendo, a nobilibus et ignobilibus, a quibus decens fuisset, talem de infrascriptis scivisset veritatem, quod cum prefatus dominus abbas Johannem dictum de Zala in possessione sua Kedhel vocata residentem hominem et procuratorem suum circa festum Omnium Sanctorum proxime preteritimi pro exequendis quibusdam causis suis, ad octavas festi beati Michaelis archangeli in curiam regiam destinasset, tunc Petrus filius Nicolai de Ond cum suis complicibus ex preconcepta rancoris malicia ipsum Johannem procuratorem ipsius domini abbatis in eundo circa fluvium Rabe in silvis more predonico invadendo omnibus literis causalibus factum possessionum dicti monasterii tangentibus nec non pecuniis ad easdem octavas pro exsecucione dictarum causarum per ipsum dominimi abbatem concessis spoliasset, eundem Johannem manibus post tergum pedibusque sub equo ligatis iuxta ipsum fluvium Raba hinc inde deducendo ad ipsum fluvium proicere et submergere voluisset potencia mediante, tandem accepto ab eodem iuramento, tali condicione eum abire permisisset, ut universas literas causales dicti domini abbatis apud conventum de Chorna pro tunc existentes ad se recipiendo annotato Petro dare et assignare teneretur, itaque premissa nunquam cuipiam sub premisso iuramento revelare presummeret modo aliquali in preiudicium et damnum prefati domini abbatis et sue ecclesie valde magnum. Datum in Vjker, secundo die octavarum festi Pasche domini anno eiusdem M° CCCC 0 sedecimo. Hátlapján három kis pecsét maradványaival ; eredetije az orsz. Itárban Borsmonostor 27. 69. dipi. oszt. 10452.
