Nagy Imre: Sopron vármegye története. Oklevéltár második kötet (Sopron, 1891)

acceptarat ; pro eo his perceptis iudicando commiseramus eo modo, ut prefati Nicolaus de Zeech et Pertoldus Elderboh super eo, quomodo prefata condam nobilis puella Margaretha vocata soror videlicet eorum carnalis predicto tempore guerrarum in dominio dictorum iurium possessionariorum maternorum extiterit, ibique vitám suam finierit temporalem et per hoc ipsi actores in dominio eorumdem iurium possessionariorum remanserint, fuerintque et extiterint, pugilem congressum, prefatique Georgius Groff ac Sigismundus et Johannes filii eiusdem super eo, quomodo prefata condam nobilis puella Margaretha soror dictorum actorum in dominio prefatorum iurium possessionariorum maternorum tempore guerrarum non extiterit et per hoc ipsi actores in dominio eorumdem iurium possessionariorum non fuerint et nec extiterint, ipsique eosdem actores de dominio dictorum iurium possessionariorum non excluserint, pugilem in congressum quadragesimo die octavarum festi beati Georgii martyris, videlicet feria tercia proxima ante festum beati Barnabe apostoli tunc ventura, hic Bude in area certacionis duelli in loco ad id apto et consveto armis militaribus indutos erectisque tentoriis et equis eorum ascensis, ut forcius poterunt contra se se dimicaturi coram nobis statuere deberent et tenerentur; et ne dimicacio ipsius duelli ad noctis crepusculum diferretur, decernendo statueramus, ut quecumque parcium ante pulsum vespertinum pugilem suum equum ascendi et certamine ipsius duelli dimicare non facérét, talis pars contra partém alteram pro parte in ipso duello subcumbente convicta permanerei et haberetur eo facto ; tandem ipso termino diete duellaris dimicacionis adveniente prefati egregii Pertholdus dictus Elderboh de Monyarokerek et Nicolaus filius Nicolai de Zeech personaliter ab una, parte vero ab altera prefati Georgius Groff de Bozyn et Sigismundus filius eiusdem modo simili personaliter, idem vero Sigismundus onus et gravamen antefati Johannis filii prefati Georgii Groff fratri sui carnalis, si idem infrascriptis persistere nollet, super se assummendo, coram nobis constituti, fuerant confessi in hunc modum, quod licet ipsi super facto iurium possessionariorum, condam egregii Pauli