Nagy Imre: Sopron vármegye története. Oklevéltár második kötet (Sopron, 1891)

honore beatissimi Michaelis archangeli prepositi paradisi, qui animarum suscipiendarum in valle Josaphat regis ante tribunal Christi representandarum a domino accepit potestatem, in cuius honore ecclesia seu monasterium de Chorna foret et existit fundata, pro eorumdem fratrum ordinis premonstratensium in eadem ecclesia sancta congregacione ipsiusque monasterii et fratrum dicti ordinis in eodem degencium relevandis oppressionibus, eternorum itaque intuitu, in terra seminare volentes, ut cum multiplicato fructu recolligere valeamus in celis, temporalia in spiritualia et transitoria Ín eterna commutando, dictum sacrum ordinem plantatam confovere et ampliori temporalium rerum ubertate in dei laudis tandem et cultus divini augmentum ampliare et fecundare cupientes, ut divini cultus et reguláris discipline observanciam, quam idem divina erudicione fervere cognovimus ex defectu necessariorum non decrescat, quin pocius augeatur signanter vero pro tribus missis spiritualibus, in quibusdam literis prepositi et conventus dicti monasterii de Chorna confraternalibus, sub ipsorum conventuali sigillo emanatis, nobisque datis, specificatis, semper et in evum pro remedio animarum nostrarum in eadem ecclesia deo celi per fratres ipsius monasterii offerendis et iugiter persolvendis, prehabito inter nos Consilio et deliberacione matura superinde deducta, quandam possessionem nostram Hewey vocatam, in comitatu Soproniensi habitam ad nostram disposicionem pieno iure pertinentem., cum omnibus populis, proventibus, iuribus, iurisdiccionibus, silvis, nemoribus, pratis, pascuis, terris arabilibus cultis et incultis, aquis aquarumque decursibus, piscinis ac locis molendinorum, aliisque cunctorum utilitatum integritatibus ad ipsam possessionem spectantibus, prefato monasterio beati Michalis archangeli de Chorna ac preposito dicti monasterii conventuique loci eiusdem fratribusque dicti ordinis in eadem ecclesia deo iugiter famulantibus pro nostrarum animarum salutis remedio, prosperitate et felicitate ex certa nostra sciencia ipsum monasterium cum eadem ipsa nostra possessione dotando, iure perpetuo et irrevocabiliter dedimus, donavimus et contulimus in eternam elemosinam ac patro-