Nagy Imre: Sopron vármegye története. Oklevéltár második kötet (Sopron, 1891)

supra facta, literatorioque mandato eiusdem prenotato, pridem videlicet circa festum purificacionis beate Marie virginis proxime preteritum, acceptis secum palatinali et conventus de Chorna hominibus alüsque ipsorum fautoribus et complicibus, ad proprias curias et domos eorum in possessione Mihály vocata in comitatu Soproniensi existenti habitas irruendo, easdemque domos ac cìstas et ladulas in eisdem habitas confrangendo, universas res et quelibet bona eorum, sed et nobilis domine consortis prefati Petri peeoraque et pecudes atque porcos eiusdem Petri, calices eciam et alia ornamenta ecclesie sub honore sancti Georgii martyris in dieta possessione Michaly fundate, protone in prelibata domo ipsius plebani habitos et existentes, violenter auferentes, quo voluissent asportassent potencia mediante; unde suplicavit idem Petrus suo et predictorum aliorum exponencium nominibus maiestati nostre humiliter et devote, ut premissam sentenciam cum singulis suis processibus prenotatis propria nostra in persona unacum prelatis et baronibus nostris maturius revidere et examinare dignaremur. Et quia nos, qui ex innata nobis regia liberalitate cunctorum fidelium nostrorum inconmoditates et casus nocivos semper dignis solemus remediis restaurare, suplicacionibus prefati Petri de Lynkohath per eum suo predictorumque Ladislai, Benedicti et Johannis fratrum suorum nominibus maiestati nostre modo quo supra porrectis, solita benignitate exauditis et clementer admissis, prescriptam sentenciam pro parte antelatorum Anthonii literati et Nicolai, ut predicitur, latam et emanatam, cum dictis suis singulis processibus, propria nostra in persona unacum prefatis prelatis et baronibus nostris revidere volumus et examinari, quo circa vobis fidelibus nostris capitolo ecclesie Jauriensi firmiter precipiendo mandamus, quatenus vestrum mittatis hominem pro testimonio fidedignum, quo presente Ladislaus filius Emerici de Wadasfalwa aut Andreas filius Josip vel Benedictus filius Georgii de eadem sin Barnabás, seu Johannes de Pothyond aliis absentibus homo noster memoratos Anthonium literatum et Nicolaum premissam sentenciam, cum predictis singulis suis processibus exhibi-