Nagy Imre: Sopron vármegye története. Oklevéltár első kötet 1156-1411 (Sopron, 1889)
reverendo in Christo patri domino Johanni episcopo Jauriensi, item magnifico viro domino Nicolao de Canisa magistro tavarnicorum nostrorum salutem et gráciám. Quamplures fidèles cives nostri de Sopronio in nostre maiestatis conspectu comparentes, nobis exposuerunt querulose, quomodo Osl de Herwordia propria ductus temeritate, cum suis famulis et complicibus, pridem quendam mercatorem de Sopronio Simon Woller dictum cum mercibus ad partes inferiores proficisci volentem, in publica strata nulla sua culpa exigente captivasset, et eundem omnibus bonis apud ipsum reperti(bus) videlicet quadraginta pannis de Colonia et septuaginta tribus pannis de Polonia, ac trecentis florenis, sex equis curruum et armis ac aliis rebus pluribus latrocinaliter depredasset et tandem eundemmet secundum (így) cum uno socio suspendisset ; de quo facto vobis prefato domino Nicolao magistro tavarnicorum nostrorum, item fidelibus nostris Johanni filio Ostel (így) de Azzunfalua, Johanni filio Lewkus ac Francisco filio condam bani de dicta Azzunfalua, Pertoldo de Ellerbah, Gregorio filio Beleud castellano de Sarkew, Georgio Hagenaw castellano de Lewka et Emerico militi castellano de Capw, item iudicibus iuratis et communitatis cunctarum nostrarum de Albaregali, de Jaurino, de Kuzzeg, de Chepreg, de Zabaria, de Rohonch et de Gurmend asserebant constare certitudinem veritatis. Quare volentes de huiusmodi facto potenciario cercius informare, committimus vestre fidelitati imo vobis mandamus, quatenus universos predictos nobiles et de dictis civitatibus certos cives nostre maiestatis in persona ad certum locum et diem evocare faciatis, quos et nos presentibus evocare facimus, et tandem cum iidem comparuerint, a quolibet eorumdem singillatim inquiratis, ut per ipsorum fidem et fidelitatem, deo ac vobis et sacre corone debitam ipsi fateantur, quid ipsis constet de facto prenotato ; quorum fassionem tandem in vestris literis nostre fideliter rescribi volumus maiestati. Datum Zolii, in festő Exaltacionis sancte crucis, sub sigillo domine Marie regine Hungarie consortis nostre karissime, propter absenciam sigilli nostri, anno domini M° CCC° nonagesimo secundo. Papíron belől a királyné pecsétjével ; eredetije Sopron sz. k. város ltárában Lad. L. IV. 86.
