Nagy Imre: Sopron vármegye története. Oklevéltár első kötet 1156-1411 (Sopron, 1889)
sub ipso Stephano voivoda valde bonus equus extitit interfectus. Preterea predictus Stephanus nunc voivoda tunc magister agasonum patris nostri existens, in confiniis Bohemie per ipsum patrem nostrum constitutus, partes regni nostri in ipsis confiniis Bohemie habitas, et per Bohemos occupatas ab eisdem Bohemis per suas veras metas per sanctissimum regem Ladislaum positas et erectas recuperando, assignavit patri nostro, et novem annis cum eisdem Bohemis certamen prelii cum periculo mortis quamplurimorum servientum suorum indesinenter habendo, pacem regno nostro abinde invenit plenam et perfectam ; postmodum dum scismatici Racienses in Nandur Feyruar descendissent, et ibi castrum construxissent, idem Stephanus voivoda cum ipsis scismaticis viriliter propugnando ipsum castrum cremavit, quamplures ex ipsis scismaticis captivavit et quamplures interfecit ex eisdem. Quid plura idem Stephanus voivoda in confiniis Austrie per eundem patrem nostrum constitutus, in metis regni nostri, quendam montem, quem Teotonici detinebant, ab eisdem occupando castrum Zorwkw construxit contra Teotonicos in eodem, et sic veras metas regni nostri, per sanctissimum regem Stephanum ex parte Austrie positas et erectas recuperando, et secundum castrum Leuka vocatum a filiis Herrici infidelibus patris nostri aufferendo, eidem patri nostro assignavit ; et demum cum Teotonicis viriliter dimicando eosque debellando et Pohemarium baronem de Austria proprium vexillum pro se ipse habentem, cum duodecim militibus captivando et res ipsorum Teotonicorum in quatuor massis habitas, quas iidem Teotonici ad valorem triginta milium marcarum estimabant, aufferendo, adduxit eidem patri nostro, pro damnis et iniuriis eidem patri nostro et suis regnicolis ac mercatoribus irrogatis per eosdem ; qui quidem Pohemarius vitám finivit in captivitate prenotata. Ad ultimum cum nos adversus Lythvanenses omnium christianorum inimicos pro Christi nomine accessissemus, et pretactus Stephanus voivoda, ac Dionisius filius suus magister agasonum nostrorum nobiscum fuissent partibus in eisdem, pes ipsius Stephani voivode ibi in nostris serviciis existentis, fractus extitit, et Stephanus filius Laurencii serviens eiusdem, sub quodam castro Villio
