Sümeghy Dezső: Sopron vármegye levéltárának Oklevél-gyűjteménye. I. rész: középkori oklevelek 1236-1526 (Sopron, 1928)

Magnifico viro domino Stephano de Zápolya, comiti perpetuo terre Scepusiensis ac regni Hungarie palatino et iudici Comanorum, amico eorum honorando, conventus monasterii beati Michaelis archangeli de Chorna, amiciciam paratam cum honore. Vestra noverit magnificencia, nos litteras vestras inquisitorias, evocatorias et insinuatorias nobis amicabiliter loquentes et directas sumpmo cum honore, quo decuit, recepimus in hec verba : Amicis suis reverendis, conventui ecclesie de Chorna Stephanus de Zápolya, comes perpetuus terre Scepusiensis ac regni Hungarie palatinus et iudex Comanorum, amiciciam paratam cum honore. Dicitur nobis in persona egregii Ladislai de Pynnye, quomodo circa festum Penthecostes in anno, cuius iam quarta instaret revolucio, preteritum, nobilis Georgius de Wag assumptis secum Paulo litterato, Francisco Zele, Michaele Thoth, Matheo Zakach et Alexio, populis scilicet et jobagionibus suis in porcione sua possessionaria in possessione Wag vocata in comitatu Soproniensi existenti habita commorantibus, manibus armatis et potenciariis ad domum et curiam cuiusdam Blasy Borla, familiáris scilicet et jobagionis dicti exponentis in porcione eiusdem possessionaria in eadem possessione Wag existenti habitas irruendo ibique honestam dominam Elizabet, consortem prefati Blasy Borla, nullis culpis et demeritis suis exigentibus, diversis verbis illicitis et inhonestis afficiendo ense nudo gravissime verberasset potencia mediante in preiudicium et dampnum dicti exponentis valde magnum. Super quo vestram amiciciam presentibus petimus diligenter, quatenus vestrum mittatis hominem pro testimonio fidedignum, quo présente Johannes de Zelesthe, aut Gregorius de Edw, vel Benedictus de Sebehaza, sin Anthonius de eadem, sive Johannes de Thatha, aliis absentibus, homo noster, scita prius premissorum mera veritate, evocet prefatum Georgium de Wag contra annotatum exponentem ad vigesímum diem festi Epiphaniarum Domini nunc venturi (1499. jan. 25.), terminum scilicet celebracionis brevium iudiciorum, nostram in presenciam racionem de premissis redditurum efficacem, litis pendencia, si qua foret inter ipsos, non obstante, predictosque jobagiones suos eidem statuere committendo, insinuando ibidem eidem, ut sive ipse termino in predicto coram nobis compareat

1 ac dictos suos jobagiones statuât, sive non, nos ad partis comparentis instanciam id faciemus in premissis, quod iuri videbitur expediri; et posthec