Áldásy Antal: Magyar czímeres emlékek III. füzet (Budapest, 1926)
XIX. Petrus Gentile Senilis de Montefalco czímere
1478. MÁJUS 27. BUDA. MÁTYÁS KIRÁLY PETRUS GENTILE SENILIS DE MONTEFALCO-NAK CZÍMERT ÁD. (Eredetije a M. N. Múzeum levéltárában. — Turul, 1913. 131.) Commissio propria domini regis. Mathias dei gratia Hungarie, Bohemie, Dalmatie, Croatie, Rame, Servie, Gallieie, Lodomerie, Comanie, Bulgarique rex, Slesie et Lucemburgensis dux, necnon Mora vie et Lttsatie marchio etc. fideli nostro nobili viro Petro Gentiii Senili de Montefalco, sanctissimi domini nostri domini Sixti divina Providentia pape quarti nuntio speciali salutem gratiamque nostram regiam et omne bonum. Regalis dignitatis sublitimas inter ceteros actus suos mirificos solet eo semper precipuo studio operari, quo throni et nominis sui gloria ceu solis radii late per orbem diffusa mirabili splendore choruscaret. Ad quod accedit rite ut sua circumspecta providentia meritorum cuiusque et virtutum pensata qualitate alios favore et benivolentia prosequatur, alios decoret et attollat honoris amplitudine aliorum siquidem fidelia obsequia sibi donariis liberalibus et principe dignis conciliet. Sane attendentes ilia tue probitatis et virtutum merita laudanda, morumque et generis claritatem, quibus sicuti dignum te apostolicum nuncium ipse sanctissimus dominus noster iudicavit ita et maiestati nostre maxime pro reverentia sacre dignitatis cardinalatus, cuius capello et insignibus reverendissimus in Christo pater dominus Gabriel, sancrosancte Romane ecclesie cardinalis Agriensis, amicus noster carissimus, ymmo in persona eius nos, regnumque nostrum Hungarie prefatum te ministro apprime decorata sunt gratum et ydoneum nostro regio favore iudicamus. Et nichilominus magnifacientes etiam gratuita et fidelia obsequia fidelis nostri dilecti venerabilis et egregii Marioti utriusque iuris doctoris fratris tui, qui nunc quoque apud sanctam apostolicam sedem nostri oratoris officio fungitur, viri profecto nobis ob vitam, mores et summám prudentiam fideliaque obsequia amantissimi, merito inducimur, ut personas vestras et amemus et speciali honoris titulo adoremus. Te ergo Petrum Gentilem prefatum tanquam ydoneum et benemeritum auctoritate regia deque plenitudine nostre potestatis, servatis servandis, militem creantes armisque militaribus decorantes prout nuper creavimus et decoravimus in domesticum familiärem accepimus, numeroque et cetui aulicorum nostrorum aggregavimus et asscripsimus, ymmo aggregamus et asscribimus, rogantes universos et singulos principes ecclesiasticos et seculares,
