Géresi Kálmán: A nagy-károlyi gróf Károlyi-család oklevéltára harmadik kötet (Budapest, 1885)

nobis agitata et ventillata, tandemque ex responsionibus et allegationibus procuratorum ambarum partium ad quandam attestationem et communem inquisitionem per praenotatas partes die et loco in aliis literis nostris adjudicatoriis juramentalibus superinde confectis, declaratis specificatis, suo modo peragendam et celebrandam per nos submissa, post ejusque attestationis et communis inquisitionis reportationem ad exigendas ab actorea quidem, pro dandis vero a rea partibus rationes transmissa et exmissa extitisset, praefatusque Michael Karoly tamquam actor contra praedeclaratos in causam attractos causa in eadem ad ulteriora procedere, eandemque causam ad finem usque perducero voluisset ; nihilominus tamen partes praedeclaratae frequentibus amicabilibusque adhortationibus intercessionibus et persvasionibus nostris tum personalibus tum vero medio certorum praecipuorum egregiorum et nobilium virorum, signanter vero Michaelis Bay, Pauli Beely, Stephani Lonyay et Nicolai Dengelegi amicorum nostrorum pacem partium una nobiscum singulari animi desiderio affectantium et pro ea inter partes ipsas dissidentes constituenda sedulo et diligenter laborantium factis motae et inductae, volentes eaedem partes candidae pacis amoenitate frui potius quam odiosas lites rixas et contentiones quarum exitus non solum incertus et anceps verum etiam contumeliosus est fovere, cupientes etiam mutuis sumptibus curis et laboribus indefessis ad prosecutionem causae necessario insumendis parcere, ad talem pacis et concordiee perpetuo duraturae ad postremum tandem devenissent unionem, prout se se devenisse retulerunt coram nobis, tali modo: quod primo praefatus Michael Karoly causam suam et quorum supra actorum praemissam, ratione ut praedictum est praevia motam et intentatam, simul cum omnibus suis processibus exinde jam subsecutis et in futurum quoque subsequendis, memorato Nicolao Kwn ac quibus supra tamquam in causam attractis, relaxasset condonasset, eandemque sopitam condescensam mortuam et viribus per omnia carituram, productoribusque ejusdem nocituram reliquisset et commisisset, superindeque eundem Nicolaum Kwn ac praescriptos ceteros litis consortes in causam attractos, quittos et expeditos ac modis omnibus absolutos reddidisset et pronunciasset, prout relaxavit condonavit reliquit commi-