Géresi Kálmán: A nagy-károlyi gróf Károlyi-család oklevéltára harmadik kötet (Budapest, 1885)

et castellorum et curiarum pertinentiis, generosa quondam domina Catherina Paloczy ac egregii Emericus de Chahol et Michael Sigismundus ac Stephanus Raskay filii ejusdem dominae Catherinae per certa tempóra quiete et pacifice possederint, eademque de manibus eorumdem post eandem cladem Mohachiensem potentialiter et per vos occupata fuerint, seorsim et singillatim investigati jurati examinati ; et primo antefatus Michael Bessenyew examinatus fassus et attestatus extitisset se scire, quod magnificus quondam Antonius de Palocz ante cladem Mohachiensem praenotata cuncta castra castella et curias possedisset, et quod idem Antonius Paloczy in conflictu Mohachiensi per thurcas fuisset interfectus ; post cujus interitum, postque ipsum bellum Mohachiense memorata quondam domina Catherina Paloczy et filii sui praenominati in dominio ipsorum bonorum remansissent et per certa tempóra perstitissent, sed non multo post inter spectabilem et magnificos quondam dominos Petrum de Peren et Franciscum Drwget de Homonna ac praefatam dominam Catherinam Paloczy ratione praescriptorum bonorum orta fuisset contentio, quilibet enim illorum tam scilicet Pereny quam Homonnay asseruissent, conservationem eorum bonorum jure propinquioris consangvineitatis sibi competere ; unde per quondam Stephanum Werbewczy et alios judices regni ordinarios et magistros protonotarios, Budae, tempore quondam domini Joannis regis quaedam etiam revisio facta extitisset, ubi utrum per viam concordiae vel judiciariam deliberationem factum sit, sibi non constaret, accidisset tamen quod Franciscus Homonnay a conservatione bonorum cecidisset, ipsaque bona ea via pervenissent ad manus dicti Petri Pereny, qui ex eis bonis reliquisset apud manus antelatae quondam dominae Catherinae Paloczy et dictorum fifiorum suorum saltem castellum Czeke praedictum cum ejus pertinentiis ; quae postquam ita acta fuissent, eadem bona Petrus Pereny a quondam Joanne rege pro se impetrasset, sed cum inter serenissimum principem quondam dominum Ferdinandum dominum nostrum clementissiműm beatae memóriáé, et dictum Joannem regem illae seditiones subortae fuissent, ac domini et magnâtes illius periculosi tèmporis nunc uni nunc alteri regi aclhserere cepissent, factionesque hinc inde crescerent,