Géresi Kálmán: A nagy-károlyi gróf Károlyi-család oklevéltára második kötet (Budapest, 1883)

quamplurima ligna metalia succidi et alias signaturas tempore prémisse reambulacionis ipsarum metarum inter ipsa predia Saro et Zeky pro metali signo factas et commissas aboliri et annihilari fecissent, in quibus eisdem exponentibus quadringentorum florenorum auri dampna intulissent, potencia mediante, in preiudicium et dampnum dictorum exponencium valde magnum ; super quo vestram amiciciam presentibus petimus diligenter, quatenus vestrum mittatis hominem pro testimonio fide dignum, quo presente Johannes de Kysendred aut Emericus filius eiusdem vel Johannes Ersek de Beren sin Bartholomeus de Barachka seu Thomas de Peel sive Georgius de Chewr ceu Thomas de Wezele neve Petrus an Ambrosius nempe Emericus de Kys-Gyewred alys absentibus homo noster scita prius premissorum mera veritate, evocet prefatam dominam Katherinam et alios prenominatos contra memoratos exponentes ad octavas festi beati Georgy martiris nunc venturas nostram in presenciam racionem premissorum reddituros efficacem, litis pendencia si qua foret inter ipsos non obstante, prefatos populos et iobagiones eisdem Andrée Zalay et Damiano Porkoláb statuere committendo, insinuando ibidem eisdem, ut sive ipsi octavis in predictis coram nobis compareant, ydemque Andreas Zalay et Damianus Porkoláb prescriptos populos et iobagiones statuant sive non, nos ad partis comparentis instanciam id faciemus in premissis quod iuri videbitur expediri ; et post hec huiusmodi inquisicionis evocacionis et insinuacionis seriem cum evocatorum et statui commissorum nominibus, octavas ad predictas ut fuerit expediens nobis amicabiliter rescribatis. Datum Bude, feria sexta próxima ante dominicam Oculi, anno domini Millesimo quadringentesimo octuagesimo secundo. Nos itaque amicabilibus peticionibus vestre magnificencie inclinati, iuxta earumdem vestre magnificencie literarum continenciam unacum prenominato Emerico de Kysendred homine eiusdem vestre magnificencie unum ex nobis videlicet fratrem Stephanum presbiterum consocium nostrum ad premissa suo modo exequenda nostro pro testimonio fide dignum duximus destinandum, qui tandem exinde ad nos reversi nobis consona voce retulerunt hoc modo, quomodo ipsi in festo beatorum Tiburcy et Valeriani martirum proxime