Géresi Kálmán: A nagy-károlyi gróf Károlyi-család oklevéltára második kötet (Budapest, 1883)
CCI. A váradi káptalan előtt Agárdi István, Szabolcs megyei Csege nevű birtokának Böszörmény felé eső részét számos hasznavételivel együtt Parlaghi Pálnak kétszáz arany forintért zálogul adja. 1461. apr. 14. Nos capitulum ecclesie Waradiensis memorie commendamus, quod Stephanus de Agárd nostram personaliter veniendo in presenciam, sponte est confessus in hunc modum, quomodo ipse pro quibusdam necessitatibus suis ad presens ipsum summe urgentibus evitandis, quandam particulam possessionis sue Cheghe vocate in comitatu Zabolch existentis habite, partem utputa ad plagam orientalem seu a parte possessionis Bezermen a domo Thome dicti Weres incipiendo adiacentem, et quandam aliam particulam cuiusdam vici Casthel vocati eiusdem possessionis similiter a parte orientali seu possessionis Bezermen sitam et adiacentem, cum omnibus ipsarum utilitatibus et pertinencys ad easdem de iure spectantibus, signanter cum directa medietate proventuum cuiusdam vadi in fluvio Ticie habiti item tributi in eadem possessione exigi soliti, necnon molendino in rivulo eiusdem Ticie decurrenti, necnon silve ac paludis vulgo Morothwa et Zege vocatarum, quas alias ipse mediantibus literis domini nostri regis fassionalibus exinde confectis Paulo de Parlagh pro centum viginti florenis auri pignori obligasset, iterate et de novo eidem Paulo de Parlagh pro octuaginta florenis similiter auri puri hungaricalibus plene ut dixit receptis ab eodem impignorasset nostrique impignora vit in presencia eo modo, ut dum et quando ipse aut sui heredes vel successores easdem ab eodem redimere possent, extunc rehabitis et persolutis dictis octuaginta ac alys centum viginti florenis auri, rerum qualibet estimacione exclusa liteque quavis relegata, easdem eidem vel eisdem remittere et resignare deberent et tenerentur difficultate absque omni; assumpmens nihilominus et obligans se prefatus Stephanus de Agard, memoratum Paulum de Parlagh in pacifico dominio earumdem porcionum possessionariarum ac proventuum infra tempus
