Géresi Kálmán: A nagy-károlyi gróf Károlyi-család oklevéltára második kötet (Budapest, 1883)
et altera Bude in anno domini Millesimo quadringentesimo quinquagesimo séptimo, et tercia capituli ecclesie Budensis exinde statutoria in prescripto anno domini Millesimo quadringentesimo quinquagesimo séptimo edite et emanatas (így) nobis presentavit, declarantes quod prefatus condam dominus rex Ladislaus pro fidelibus servicys eiusdem Laurency Kromperger per eum sibi exhibitis et impensis, quasdam possessiones Gyal Essew et Zenthkyral vocatas in dictis comitatibus existentes, per defectum seminis condam Johannis fily Pauli Kakas de Gyal et nomine iuris sui regy sibi et quibusdam alys in dictis literis donacionalibus declaratis iure perpetuo dedisset donasset et contulisset, regiusque et capituli ecclesie Budensis homines literis in eisdem nominati ipsum Laurencium Kromperger in dominium earumdem nullo contradictore apparente introduxissent et easdem eidem statuissent ; quibus exhibitis prefatus Laurencius Kromperger racionem premisse indebite occupacionis et detencionis prescriptarum possessionum ab eisdem scire vellet ; quo audito prefatus magister Johannes pro se personaliter et pro predicto magistro Petro custode cum procuratorys literis capituli ecclesie Albensis in nostram exurgendo presenciam, respondit ex adverso, quod ipse et dictus magister Petrus custos predictas possessiones indebite non occupassent et nec occupative conservarent, sed eedem ipsis vigore instrumentali ac ex donacione et collacione predicti condam regis Ladislai et ex propria fassione ipsius Laurency Kromperger legitime attinerent, et ibidem in horum suorum comprobacionem quasdam quatuor literas, duas prefati condam regis Ladislai, unam donacionalem et aliam fassionalem, duas vero capituli ecclesie Budensis patenter emanatas nobis demonstravit ; quarum prima litera donacionalis ipsius condam regis Ladislai Präge die dominico proximo ante festum beati Martini episcopi et confessoris in dicto anno domini Millesimo quadringentesimo quinquagesimo quarto edita, prescriptas possessiones Gyal Essew et Zenthkyral vocatas in dictis comitatibus existentes, per defectum seminis condam Johannis fily Pauli Kakas de Gyal et nomine iuris regy per ipsum condam regem Ladislaum pro fidelibus servicys dictorum magistrorum Johannis et Petri per eos sibi exhibitis, ipsis ac per eos Blasio de
